О проведении смотра готовности предприятий торговли, общественного питания, пищевой промышленности, рынков области к работе в весенне-летний период 2003 года Қолданыста

Облыстың сауда, қоғамдық тамақтану, тамақ өнеркәсібі кәсіпорындарының, базарлардың 2003 жылдың көктемгі-жазғы кезеңге жұмысқа дайындығы байқауын өткізу туралы Тамақ нысандарының санитарлық-техникалық жағдайын жақсарту, олардың көктемгi-жазғы кезеңдегi жұмысқа сапалы дайындалуы, тамақпен жаппай уланудың алдын алу мақсатында және Қазақстан Республикасының 2002 жылғы 4 желтоқсандағы № 361 "Халықтың санитарлық-эпидемиологиялық салауаттылығы туралы" Заңы негiзiнде, облыс әкiмияты ҚАУЛЫ ЕТЕДІ:

1. Сауда, қоғамдық тамақтану, тамақ өнеркәсiбiнiң кәсiпорындарының, базарлардың 2003 жылдың көктемгi-жазғы кезеңге жұмысқа дайындығының облыстық байқауы 2003 жылдың 1 сәуiрiнен 30 сәуiрiне дейiнгi кезеңде өткiзiлсiн.

2. Айлықты өткiзу жөнiндегi облыстық комиссия құрамы бекiтiлсiн (тiркеледi).

3. Қала мен аудан әкiмдерi:

1) айлықты дайындау және өткiзу жөнiнде тиiстi комиссиялар құрсын;

2) нысандардың сыртқы келбетiн тиiстi санитарлық талапқа сәйкес келтiру жөнiнде шаралар алсын (сыртқы жөндеу, безендiру, аумақ айналасын көрiктендiру, маңдайша жазулары, контейнерлiк алаңдар, урналар);

3) iс жүзiндегi базарларды Қазақстан Республикасы Үкiметiнiң 2003 жылғы 5 ақпандағы №131 Қаулысымен бекiтiлген "Сауда базарларының жұмысын ұйымдастыру ережелерiнiң" талаптарына сәйкес келтiрсiн;

4) беталды ұйымдасқан сауда орындарын жоюды қамтамасыз етсiн.

4. Сауда, қоғамдық тамақтану, тамақ өнеркәсiбi объектiлерi, базарлар тағы да басқа коммерциялық құрылымдар басшыларына ұсынылады:

1) 2003 жылдың 25 наурызына дейiн нысандардың санитарлық-техникалық жағдайын, олар өндiретiн өнiмдердiң сапасын жақсарту жөнiндегi нақты iс-шаралар әзiрлесiн;

2) нысандарды тиісті санитарлы жағдайына жеткiзу жөнiнде шаралар алсын, ағымдағы жөндеу жүргiзiлсiн, су-канализация жүйелерiн тексерсін, өндiрiлетiн және сатылатын өнiмдердiң сұрыпталым тiзбесi келiсiлсiн және мемлекеттiк санитарлық қызмет органдарының олардың жұмыс жасауына ресми рұқсаттарын алсын.

5. Атырау облыстық санитарлық-эпидемиологиялық станциясы, Атырау облысының iшкi iстер басқармасы көктемгi-жазғы маусымға дайындығы айлығын өткiзуге үнемi бақылау жүргiзiп отырсын.

6. "Атырау-Ақпарат" мемлекеттiк коммуналдық кәсiпорны, облыстық телерадиокомпаниясы (келiсiм бойынша) байқаудың барысын жүйелi түрде жариялап отырсын.

7. Қала және аудан әкiмдерi, облыстық санитарлық-эпидемиологиялық станциясы, облыстық iшкi iстер басқармасы айлық өткiзу нәтижелерi туралы облыс әкiмiне 2003 жылдың 5 мамырына ақпарат берсiн.

8. Осы қаулының орындалуын бақылау облыс әкiмiнiң орынбасары Қ.Ищановқа жүктелсiн.

Облыс әкiмиятының 2003 жылғы 17 наурыздағы № 69 қаулысына қосымша Сауда, қоғамдық тамақтану, тамақ өндiру кәсiпорындарының, базарлардың 2003 жылдың жазғы мерзiмiне дайындығын ұйымдастыру және өткiзу жөнiндегi облыстық комиссиясының құрамы Ищанов Қайрат Қыдырбайұлы - облыс әкiмiнiң бiрiншi орынбасары, комиссия төрағасы Беккожиева Әлия Байжанқызы- Атырау облыстық кәсiпкерлер ассоциациясының төрайымы (келісім бойынша) Дошаев Ерген Николайұлы - "Атырау-Ақпарат" мемлекеттiк коммуналдық кәсiпорнының төрағасы Зинуллин Өмiрзақ Зинуллаұлы - облыстық бас мемлекеттiк санитарлық дәрiгер Нұрғалиев Айтқали Құмарғалиұлы - облыстық телерадиокомпаниясының төрағасы (келiсiм бойынша) Оспанов Валерий Мұқашұлы - облыстық экономика және кәсiпкерлiктi дамыту бас басқармасының бастығы Хайдар Халмұрат Саламатұлы - облыстық iшкi iстер басқармасының бастығы