Об утверждении Правил о целевом использовании средств, выделяемых из местного бюджета для оралманов на 2003 год Қолданыста

2003 жылы оралмандарға жергілікті бюджеттен бөлінетін қаржының мақсатты пайдалану жөніндегі Ережелерін бекіту туралы Қазақстан Республикасының «Халықтың көші-қоны туралы» Заңын орындауда және Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы, Қазақстан Республикасы Үкіметінің 1999 жылғы 18 тамыздағы «Республикалық бюджеттен репатрианттар (оралмандар) үшін бөлінетін қаражатты мақсатты пайдалану туралы ережені бекіту туралы» № 1194 қаулысы негізінде Денисов ауданының әкімияты ҚАУЛЫ ЕТЕДІ:

1. 2003 жылы оралмандарға жергілікті бюджеттен бөлінетін қаржының мақсатты пайдалану туралы ережелер бекітілсін.

2. Осы қаулының орындалуына бақылау жасау аудан әкімінің орынбасары Қ.Ж. Омароваға жүктелсін.

Денисов аудандық әкімиятының 2003 жылғы 6 мамырдағы № 69 шешіміне қосымша Денисов ауданы бойынша 2003 жылы оралмандар үшін жергілікті бюджеттен бөлінетін қаражаттың мақсатты пайдалану туралы ЕРЕЖЕЛЕР

1. Жалпы ережелер

1. Осы ережелер Қазақстан Республикасының «Халықтың көші-қоны туралы» Заңына сәйкес жергілікті бюджеттен бөлінетін және қоныс аудару іс-шараларын қаржыландыру мен оралмандарды әлеуметтік қорғауға қаражатты пайдаланудың тәртібін реттейді.

2. Біржолғы жәрдемақыны тағайындау және төлеу тәртібі

2. Оралмандарға біржолғы жәрдемақы тағайындауды оралманның тұрған орны бойынша халықтың көші-қон мәселелері жөніндегі аумақтық органдары жүргізеді.

3. Біржолғы жәрдемақыны алу үшін мынадай құжаттарды тапсыру керек:

1) біржолғы жәрдемақыны тағайындау жөнінде өтініш;

2) оралманның жеке басын куәлігінің көшірмесі;

3) балалардың туу туралы куәліктерінің көшірмелері;

4) оралманның статусын куәландыратын анықтама.

4. Оралмандарға біржолғы жәрдемақысы: отағасына - он бес еселеген айлық есептік көрсеткіш мөлшерінде; отбасының әр мүшесіне - он еселеген айлық есептік көрсеткіш мөлшерінде тағайындалады. Оралманның отбасының жеке мүлкін жеткізу үшін шығынды өтеу, көліктік қызмет көрсету туралы құжаттарды тапсырылған жағдайда, бірақ, елу есе айлық есептік көрсеткіштен аспайтын сомада жүргізіледі. Әрбір оралманның өткені үшін ақы жол жүру құжаттарын тапсырған жағдайда (авиакөліктен басқа) іс жүзіндегі шығындар бойынша, бірақ он есе айлық есептік көрсеткіштен аспайтын мөлшерде жүргізіледі. Айлық есептік көрсеткіш мөлшері Қазақстан Республикасының заңдарына сәйкес тағайындау сәтінде есептеледі. Оралмандар үшін тұрғын үй сатып алуды Қазақстан Республикасының мемлекеттік сатып алу заңдарына сәйкес халықтың көші-қон мәселелері жөніндегі аумақтық органдар жүзеге асырады.

3. Біржолғы жәрдемақыны төлеу

5. Біржолғы жәрдемақыны төлеу халықтың көші-қон мәселелері жөніндегі аумақтық органдары тапсырған тізімі бойынша Халықтық банктің № 221400 Денисов аудандық бөлімшесі арқылы жүргізіледі.

6. Оралмандарға біржолғы жәрдемақыны төлеу Қазақстан Республикасының ұлттық валютасымен қолма-қол жүргізіледі.