Об утверждении Правил оказания единовременной материальной помощи отдельным категориям граждан, на 2003 год Қолданыста

2003 жылы азаматтардың жекелеген санаттарына біржолғы материалдық көмек көрсету Қағидасын бекіту туралы Қазақстан Республикасының 1999 жылғы 07 сәуірдегі № 374-1 «Қазақстан Республикасының азаматтардың жекелеген санаттарына жеңілдіктер беру мәселелері бойынша кейбір заң актілеріне өзгерістер мен толықтырулар енгізу туралы» Заңына және Қазақстан Республикасының «Қазақстан Республикасындағы жергілікті мемлекеттік басқару туралы» Заңына сәйкес аудан бюджетін орындауды қамтамасыз ету мақсатында аудан әкімияты ҚАУЛЫ ЕТЕДІ:

1. Қоса беріліп отырған 2003 жылы азаматтардың жекелеген санаттарына біржолғы материалдық көмек көрсету Қағидасы бекітілсін.

2. Осы қаулының орындалуына бақылау жасау аудан әкімінің орынбасары Григорий Николаевич Бодикке жүктелсін.

Осакаров ауданы әкімиятының 2003 жылғы «18» маусым № 07/20 «2003 жылы азаматтардың жекелеген санаттарына біржолғы материалдық көмек көрсету Қағидасын бекіту туралы» қаулысымен бекітілген 2003 жылы азаматтардың жекелеген санаттарына біржолғы материалдық көмек көрсету Қағидасы Осы Қағида аудандық Мәслихаттың 2003 жылғы 17 ақпандағы «2003 жылға арналған аудандық бюджет туралы» № 137/2-3 шешіміне сәйкес әзірленген, нормативтік құқықтық актілерді тіркеу тізіліміне № 1078.

1. Жалпы ереже

1. Азаматтардың жекелеген санаттарына біржолғы материалдық көмек көрсетуді Осы Қағидада белгіленген тәртіпте азаматтардың жекелеген санаттарына біржолғы материалдық көмек көрсету жөніндегі комиссиясының шешімі бойынша еңбек және тұрғындарды әлеуметтік қорғау бөлімі (бұдан әрә-бөлім) жүзеге асырады.

2. Біржолғы материалдық көмек келесі санаттағы азаматтарға беріледі:

1) Ұлы Отан Соғысына қатысқандарға және мүгедектерге – Жеңіс Күніне (8 мамыр);

2) Бұрынғы Совет Одағының Ұлы Отан Соғысы жылдары тылдағы ерен еңбектері және мінсіз әскери қызметтері үшін орден және медальдармен марапатталған тұлғаларға – Жеңіс Күніне (9 мамыр);

3) 70 жасқа жеткен жалғыз басты зейнеткерлерге – Қарттар күніне (1 қазан);

4) 16 жасқа дейінгі мүгедек балаларға – Мүгедектер күніне (жыл сайын қазанның екінші жексенбісінде);

5) I және II топтағы мемлекеттік әлеуметтік жәрдемақы алушыларға – Мүгедектер күніне (жыл сайын қазанның кінші жексебісінде);

2. Біржолғы материалдық көмекті тағайындау тәртібі

3. Өтінуші бөлімге жазбаша өтініш береді және оны алуға құқын растайтын құжаттарды тапсырады. Өтінуші Қазақстан Республикасының заңнамасына сәйкес өтініштер мен құжаттарда көрсетілген мәліметтердің толықтығына және дұрыстығына жауап береді.

4. Өтінуші барлық қажетті құжаттармен өтініш бергеннен кейін 15 күннің ішінде әлеуметтік көмек көрсету жөніндегі аудандық комиссия оны тағайындау немесе бас тарту туралы шешім қабылдайды. Бас тартылған жағдайда өтінушігек себебі көрсетіліп жазбаша түрде хабарланады.

5. Біржолғы материалдық көмекті тағайындау үшін қажетті құжаттардың болмауы оны тағайындауға бас тартуға әкеледі.

3. Қажетті құжаттар тізбесі

6. Біржолғы материалдық көмекті тағайындау үшін қажетті құжаттар:

1) өтінушінің, мүгедек баланың ата-анасының, ұл (қыз) бала асырап алушының, қамқоршының (қорғаншысының) (бұдан әрі өтінуші) тұрғылықты жері бойынша банкте есеп шоты көрсетілген көмек көрсету жөніндегі жазбаша өтініші;

2) өтінушінің жеке басын куәландыратын құжаттың көшірмесі;

3) өтінушінің статусын куаландыратын құжаттың көшірмесі (куәлік, медициналық-әлеуметтік сараптама комиссиясының анықтамасы, медициналық қорытынды);

4) мүгедек баланың тууы туралы куәлігінің көшірмесі;

5) емдеу мекемесінің емдеу қажеттілігі туралы анықтамасы;

6) тұрғылықты жерінен анықтама;

7) материалдық-тұрмысын тексеру актісі;

8) кіріс туралы анықтама;

9) кент немесе селолық округ әкімінің қолдаухаты Құжаттар түпнұсқа және көшірме түрінде бөлімге салыстыру үшін тапсырылады. Салыстырудан кейін құжаттардың түпнұсқасы өтінушіге қайтарылып беріледі. Бөлім қызметкерлері құжаттардың көшірмесін куаландырады және оларды іске кірістіреді.

4. Біржолғы материалдық көмекті төлеу

7. Біржолғы материалдық көмекті төлеу аудандық бюджет қаржысы есебінен жүзеге асырылады.

8. Біржолғы материалдық көмек тағайындалған азаматтарға бөлім тізім құрады және аудандық қаржы бөліміне қаржыландыруға тапсырыс береді.

9. Біржолғы материалдық көмекті төлеу ақша түрінде бөлімнің тізімі бойынша есеп шотқа аудару жолымен жүзеге асырылады, оны заңда белгіленген тәртіпте сәйкес операциялар түрінде конкурсты жеңіп алған Қазақстан Республикасының Ұлттық банк лицензиясы барлар жүргізеді.

10. Біржолғы материалдық көмекке қаржы жетіспеген кезде өтініш тіркеудегі хронология тәртібінде төленеді.