О подготовке производственного и социального комплекса Костанайской области к работе в осенне-зимний период 2004-2005 годов Қолданыста

Қостанай облысының өндiрiстiк және әлеуметтiк кешенін 2004-2005 жылдардың күзгi-қысқы кезеңіндегі жұмысқа дайындау туралы Қазақстан Республикасының «Қазақстан Республикасындағы жергiлiктi мемлекеттiк басқару туралы» Заңының 27-бабына сәйкес және облыстың өндiрiстiк және әлеуметтiк кешенiн 2004-2005 жылдардың күзгi-қысқы кезеңiндегi жұмысқа уақытында және сапалы дайындау мақсатында Қостанай облысының әкiмияты ҚАУЛЫ ЕТЕДI:

1. Қалалар, аудандар әкiмияттары, мемлекеттiк коммуналдық кәсiпорындар мен ұйымдардың басшылары:

1) 2004 жылдың 1 қазанына дейiнгi мерзiмде жылу көздерiн, электр, газ, жылу және су құбырлары желiлерiн, сондай-ақ тұрғын-үй және әлеуметтiк сала объектілерiн 2004-2005 жылдардың күзгi-қысқы жағдайына жұмысқа дайындау жөнiндегi ұйымдастыру-техникалық iс-шаралардың орындалуын қамтамасыз етсiн.

2. Қалалар және аудандар әкiмдерi төмендегідей ұйымдастыру жұмыстарын жүргiзсiн:

1) қатты, сұйық және газ түрiндегi отынды, электр энергиясын жеткiзуге қалалар мен аудандар кәсiпорындарының жабдықтаушылармен келісім-шарт жасасуына және қатты, сұйық отынның жинақталу кестесiнiң орындалуын бақылауды қамтамасыз етуді;

2) коммуналдық қызметтi тұтынушылардың пайдаланған электр, жылу энергиясы, табиғи газ және су үшiн борыштарын 2004 жылдың 1 шiлдесіне дейiн өтеуді;

3) пәтер иелерi кооперативтерiнiң басшыларымен тұрғын үйлердi алдағы күзгi-қысқы кезеңдегi жұмысқа даярлау жөнiндегi жөндеу-алдын алу iс-шараларын өткiзуді;

4) «Қостанай облысының энергетика, өнеркәсiп және құрылыс департаменті» мемлекеттік мекемесіне апта сайын, әр сәрсенбiде, қысқа дайындық барысы туралы белгiленген үлгі бойынша ақпарат түсiрiп отырсын (қоса берілді).

3. Бюджеттік бағдарламалардың әкімгерлері алынатын жылу-энергетикалық ресурстарға және коммуналдық қызметтер үшiн бұрындары жинақталған борыштарын өтеуге уақытында төлем төлеуді қамтамасыз етсiн.

4. Қостанай облысының өндiрiстiк және әлеуметтiк кешенінiң 2004-2005 жылдардың күзгi-қысқы кезеңінің жұмысына даярлығы жөнiндегi облыстық комиссия құрылсын. Белгіленген заң тәртібі бойынша облыстық комиссияның дербес құрамы облыстық мәслихат сессиясының бекітуіне енгізілсін.

5. Қостанай облысы әкiмиятының 2003 жылғы 9 сәуiрдегi № 66 «Қостанай облысының өндiрiстiк және әлеуметтiк кешенiн 2003-2004 жылдардың күзгi-қысқы кезеңiндегi жұмысқа даярлау туралы» қаулысының күшi жойылды деп есептелсiн (мемлекеттік тіркеу нөмірі 2184, «Қостанай таңы» 2003 жылғы 6 мамырдағы № 50).

6. Осы қаулының орындалуына бақылау жасау облыс әкiмiнiң бiрiншi орынбасары В.В. Мейстерге жүктелсiн.

Қазақстан Республикасы Қостанай облысы әкімиятының 2004 жылғы 9 сәуірдегі № 89 қаулысына 1-қосымша 2004-2005 жылдардағы күзгі-қысқы кезеңге дайындықтың барысы жөніндегі АҚПАРАТ Рет саны Атауы Өлшем бірлігі Жоспар Нақты орындалғаны 1 Отын 1.1 Көмір қорын құру - барлығы, оның ішінде: - бюджеттік ұйымдар - тұрғындар мың тонна мың тонна мың тонна 1.2 Темір жол станцияларынан бюджет көмірлерін тасып шығару мың теңге 1.3 Бар көмір - барлығы мың теңге х 1.4 Мазут қорын құру мың тонна 1.5 Сұйық отын қорын құру (автономиялық жылыту жүйелері үшін дизельдік, пештік) мың теңге 2 Қазандықтар - барлығы, оның ішінде: жөндеуге жататыны бірлік бірлік 3 Жылу жүйелері - барлығы оның ішінде жөндеуге жататыны километр километр 4 Су құбырлары жүйелері - барлығы, оның ішінде жөндеуге жататыны километр километр 5 Кәріз жүйелері - барлығы оның ішінде жөндеуге жататыны километр километр 6 Электр беру желісі 35-220кВ - барлығы, оның ішінде жөндеуге жататыны километр километр Электр беру желісі 10-0,4кВ - барлығы, оның ішінде жөндеуге жататыны километр километр 7 Кіші электр станциялары, 35-220 кВ - барлығы, оның ішінде жөндеуге жататыны бірлік бірлік (Тарату пункттері, трансформаторлық кіші станциялар, кешенді трансформаторлық кіші станциялар) - 10/0,4 кВ - барлығы, оның ішінде жөндеуге жататыны бірлік бірлік 8 Объектілер дайындығы: тұрғын үйлер білім беру объектілері денсаулық сақтау объектілері бірлік бірлік бірлік Ескерту: 1.3 тармақшада отынның қалдығы жылыту мезгілінің басынан бастап көрсетілсін.