О подготовке предприятий энергообеспечения, объектов жилищно-коммунальной и социальной сферы к осенне-зимнему периоду 2004-2005 годов Қолданыста

Энергиямен жабдықтау кәсіпорындарын, тұрғын үй-коммуналдық және әлеуметтік сала нысандарын 2004-2005 жылдардың күзгі-қысқы кезеңіне дайындау туралы Қазақстан Республикасының 2001 жылғы 23 қаңтардағы №148-ІІ «Қазақстан Республикасындағы жергілікті мемлекеттік басқару туралы» Заңының 27 бабының 2 және 7 тармақтарын басшылыққа ала отырып және энергиямен жабдықтау кәсіпорындарын, тұрғын үй-коммуналдық және әлеуметтік сала нысандарын 2004-2005 жылдардың күзгі-қысқы кезеңіне тұрақты жұмысқа уақытылы дайындау және осы маңызды мәселені орындауға Атырау қаласы және аудан әкімдері, кәсіпорындар мен ұйымдар, пәтер иелері кооперативтері басшыларының күштерін шоғырландыру мақсатында облыс әкімияты ҚАУЛЫ ЕТЕДІ:

1. Энергиямен жабдықтау кәсіпорындарын, тұрғын үй-коммуналдық және әлеуметтік сала нысандарын 2004-2005 жылдардың күзгі-қысқы кезеңіне дайындау бойынша облыстық штаб 1 қосымшаға сәйкес құрамда құрылсын:

2. Атырау қаласы мен аудан әкімдері:

1) сәйкесті қалалық және аудандық штабтар құрсын;

2) балансында тұрғын үйлері бар мекемелер, ұйымдар, кәсіпорындар және пәтер иелері кооперативтері басшыларымен алдағы күзгі-қысқы кезеңге тұрғын үйлерді дайындау үшін жөндеу-профилактикалық шараларды ұйымдастыру жұмыстарын жүргізсін;

3) білім беру, денсаулық сақтау және әлеуметтік сала нысандарына 2004 жылдың 1 қазанына, тұрғын үйлерге 2004 жылдың 15 қазанына жылу беруді қамтамасыз етсін;

3. Аудандар және Атырау қаласы әкімдері, кәсіпорындар, мекемелер, мен ұйымдар басшылары, Атырау облысы білім беру, денсаулық сақтау, мәдениет, еңбек, жұмыспен қамту және халықты әлеуметтік қорғау басқармаларының басшыларына:

1) энергиямен жабдықтау кәсіпорындарын, тұрғын үй-коммуналдық және әлеуметтік сала нысандарын 2004-2005 жылдардың күзгі-қысқы кезеңіне дайындау жөніндегі іс-шараларды дайындап бекіту және ақпаратты Атырау облысы тұрғын үй-коммуналдық шаруашылығы басқармасына тапсыру;

2) 2004 жылдың 1 қазанына дейінгі мерзімде барлық орындалуға міндетті көлемде дайындау, жөндеу және құрылыс жұмыстарының аяқтауын қамтамасыз ету;

3) жылу беру кезеңі басталғанға дейін барлық жылумен қамту көздерін нормативтік отын қорымен қамтамасыз ету;

4) әр апта сайын, дүйсенбі күні Атырау облысы тұрғын үй-коммуналдық шаруашылығы басқармасына қысқа дайындық жөнінде белгіленген үлгі бойынша мәлімет беру (2-қосымша);

5) коммуналдық қызметтерге берешекті өтеу шараларын алу;

6) арнаулы техникасы бар коммуналдық мемлекеттік кәсіпорындарға жылу беру кезеңіне жолдарды, жаяу жүргіншілер жолдарын және басқа аумақтарды уақытылы және сапалы тазарту үшін барлық мамандандырылған техниканың дайындығын қамтамасыз ету;

7) тұрғын үй, әлеуметтік-мәдени және өндірістік-әкімшілік бағыттағы нысандарды, жылу энергиясын, газды, салқын және ыстық суды есептеу құралдарымен одан әрі жарақтандыру жөніндегі жұмысты жалғастыру;

8) жылу беру науқанына дейін апатты жағдай туындаған жағдайда апат қызметтерімен қызмет көрсетуге шарт жасауды қамтамасыз ету ұсынылсын.

4. Балансында тұрғын үйлері бар мекемелер, ұйымдар мен кәсіпорындар басшыларына, тұрғын үй қорына қызмет көрсетуші пәтер иелері кооперативтерінің төрағаларына 2004 жылдың 15 қыркүйегіне дейінгі мерзімде:

1) тұрғын үйлердің жылыту жүйелерін жуып-шайып, тазалауды, қысымын сынау, жабу арматурларын түгендеу, есептік дроссельдік құрылғыларды орнату және олардың герметикалық жайының тексеруді жүзеге асыру;

2) суық және ыстық сумен жабдықтау жүйесін жөндеп, тексеруден өткізу, жылумен жабдықтау тәртіптемесін қамтамасыз ету және жылу таратушы шығындарын қысқартуды жөніндегі ретке келтіру-іске қосу жұмыстарын жүргізу;

3) энергиямен жабдықтаушы ұйымдармен үйлерге ортақ жылуды есепке алу жүйесіне техникалық қызмет қөрсетуге және оның сақталуын қамтамасыз етуге келісім жасасу;

4) ғимараттар мен құрылғыларды жылу жүйесіне қосуды тек қана дайындық паспорты болғанда ғана жүргізу;

5) коммуналдық қызметтерге берешекті өтеу бойынша шараларын алу ұсынылсын.

7. «Атырау жылуэлектр орталығы» (келісім бойынша), «Атырау-Жарық» (келісім бойынша), «Атырау жылу жүйелері» (келісім бойынша), «Атырауоблгаз» (келісім бойынша) ашық акционерлік қоғамдары, «Водоканал» коммуналдық мемлекеттік кәсіпорны, «Атыраугазинвест» жауапкершілігі шектеулі серіктестігі (келісім бойынша) күзгі-қысқы кезеніңде үздіксіз жұмыс істеуі үшін облыстың тіршілікті қамтамасыз ету нысандарының дайындығын уақытылы қамтамасыз етсін.

8. Атырау облысы әкімінің 2004 жылғы 10 маусымдағы №56 «Энергиямен жабдықтау кәсіпорындарын, тұрғын үй-коммуналдық және әлеуметтік сала нысандарын 2004-2005 жылдардың күзгі-қысқы кезеңіне дайындау туралы» шешімінің күші жойылды деп танылсын.

9. Осы қаулының орындалуын бақылау облыс әкімінің орынбасары М.И.Байғожинге жүктелсін.

Облыс әкімиятының 2004 жылғы «13» тамыздағы № 174 қаулысына 1 қосымша Энергиямен жабдықтау кәсіпорындарын, тұрғын үй-коммуналдық және әлеуметтік сала нысандарын 2004-2005 жылдардың күзгі-қысқы кезеңіне дайындау жөніндегі облыстық штабтың құрамы Байғожин Марат Имашұлы -облыс әкімінің орынбасары, штабтың бастығы; Арыстанова Гүлбаршн Жолдасқызы -Атырау облысы тұрғын үй-коммуналдық шаруашылығы басқарма бастығының міндетін атқарушы, штаб бастығының орынбасары; Әбдібеков Нұрмұханбет Қанапияұлы -Атырау облысы экономика және кәсіпкерлікті қолдау бас басқармасының бастығы, штаб бастығының орынбасары; - Мүшелері: Ақтөриев Орынғали Ақтөреұлы -«Атырауоблгаз» ашық акционерлік қоғамының президенті (келісім бойынша); Артығалиев Орынғали Ақтөреұлы -«Атыраугазинвест» жауапкершілігі шектеулі серіктестігінің бастығы (келісім бойынша); Әбдірахманов Марат Ғинаятұлы -Атырау облыстық аймақтық қоршаған ортаны қорғау басқармасының бастығы (келісім бойынша); Әміров Мұқаран Серікұлы -Атырау облысы бойынша ішкі істер басқармасының бастығы (келісім бойынша); Әкімжанов Жандос Әбілханұлы -Атырау облысы коммуналдық меншік басқармасының бастығы; Әбілғапаров Жанұзақ Әсетұлы -«Атырау жылу жүйелері» ашық акционерлік қоғамының президенті (келісім бойынша); Дощаев Ерген Николайұлы -«Атырау-Ақпарат» коммуналдық мемлекеттік кәсіпорнының төрағасы (келісім бойынша); Жантеміров Бауыржан Ересұлы -Атырау облыстық қаржы басқармасының бастығы; Жантоқов Нұрлан Қойланұлы -Мақат ауданының әкімі; Зинуллин Өмірзақ Зиноллаұлы -Атырау облыстық мемлекеттік санитарлық-эпидемиологиялық қадағалау басқармасының бастығы; Қайненов Қилымғали Қайненұлы -Атырау облыстық білім беру басқармасының бастығы; Қалиев Мұхамбет Қалиұлы -«Атырау жылу орталығы» ашық акционерлік қоғамының президенті (келісім бойынша); Қарасаева Әлия Орынғалиқызы -Атырау облысы денсаулық сақтау басқармасының бастығы; Құтқожа Парасат Жақыпұлы -облыс әкімі аппараты басшысының құқықтық қамтамасыз ету жөніндегі орынбасары; Лұқпанов Сәден Сәкенұлы -Индер ауданының әкімі; Мұхтаров Нұртас Мұхтарұлы -Жылыой ауданының әкімі. Нәутиев Әлібек Ибатоллаұлы -Құрманғазы ауданының әкімі; Нұрғалиев Айтқали Құмарғалиұлы -Атырау облыстық телерадиокомпаниясының төрағасы (келісім бойынша); Рахманов Айбар Дүйсебәліұлы -«Атырау-Жарық» ашық акционерлік қоғамының президенті (келісім бойынша); Рахметқалиев Жанкелді Нұржанұлы -Қызылқоға ауданының әкімі; Сердюк Игорь Григорьевич -«Водоканал» коммуналдық мемлекеттік кәсіпорнының төрағасы Сисатов Рысқали Ғабдығапарұлы -Махамбет ауданының әкімі; Сүйнешов Зұлпықар Мақсотұлы -Исатай ауданының әкімі; Тасыбаев Манас Мұхитұлы -Атырау қаласының әкімі; Хайрошев Серік Салахиденұлы -Атырау облыстық төтенше жағдайлар жөніндегі басқармасының бастығы (келісім бойынша).л

Облыс әкімиятының 2004 жылғы «13» тамыздағы № 174 қаулысына 2 тіркеме 2004-2005 жылғы күзгі-қысқы кезеңгі жұмыстарға дайындық барысы жөнінде мәлімет № Шаралар атауы Өлшем бірлігі Барлығы 2004 жылы күрделі жөндеуге жататындары Бюджет есебінен кәсіпорын қаражат есебінен саны сомма саны сомма жоспар нақты жоспар нақты жоспар нақты жоспар нақты 1 2 3 4 5 6 7 8 9 10 11 12 1 Жылу қазандары 2 Жылу пункті 3 Жылу желілері 4 Су құбыры желілері 5 Канализация желілері 6 35-220 жылу тарату сымдары 7 10-0,4 жылу тарату сымдары 8 электрлік қосалқы станция 9 бөлу пункттері (трансформаторлық қосалқы станса 10/04кв) 10 Орталық жылу қазандығынан жылытылатын көп қабатты тұрғын үйлер (жылу пункттері) 11 денсаулық сақтау нысаны 12 білім беру нысаны 13 отынға қажеттілік: сұйық, қатты 14 ГбП, ШРП 15 Газ көлемін куәландыру