О мерах по снижению негативного воздействия физических факторов на здоровье населения области на 2004-2005 годы Қолданыста

2004-2005 жылдарға арналған физикалық факторлардың облыс халқының денсаулығына теріс әсер етуін төмендету жөніндегі шаралар туралы Физикалық факторлардың халық денсаулығына теріс әсер етуін төмнендету мақсатында, Қазақстан Республикасының 2002 жылғы 4 желтоқсандағы № 361-II «Халықтың санитарлық-эпидемиологиялық салауаттылығы туралы» Заңының 8,9-баптарына, Қазақстан Республикасының Мемлекеттік санитарлық бас дәрігерінің 2003 жылғы 6 қарашадағы № 12 «Физикалық факторлардың халық денсаулығына теріс эсер етуін төмендету жөніндегі шаралар туралы» қаулысына сәйкес облыс әкімияты ҚАУЛЫ ЕТЕДІ:

1. Меншік нысанына қарамастан, өнеркәсіп кәсіпорындарының ұйымдардың, консорциумдар мен мекемелердің басшыларына:

1) міндетті түрде физикалық факторлардың әсер ету деңгейін зерттеуді жүргізе отырып, шуылды, дірілді, электромагниттік сәулелендіру шығаратын жабдықтар мен құралдарды есепке алуды жүргізу;

2) еңбек ету жағдайларын талдай отырып, жұмыс орындарын аттестаттауды қамтамасыз ету;

3) ғылым мен жаңа технологиялардыңжетістіктерін ескере келе, қазіргі заманғы қорғаныш құралдарын пайдалана отырып, қызметкерлер мен халықты физикалық факторлардың әсер етуін қорғау жөніндегі іс-шаралар жоспарларын әзірлеу ұсынылсын.

2. Меншік нысанасына қарамастан, радиотехникалық объектілері бар жеке және заңды тұлғаларға:

1) кейіннен оларды мемлекеттік санитарлық-эпидемиологиялық қадағалау органдарымен келісе отырып, халыққа электромагниттік сәулелендіру әсер ететін аймақтары есепке алып, санитарлық паспорттарды жасау;

2) дербес компьютерлерді пайдаланушыларды қазіргі заманғы қорғаныш құралдарымен қамтамасыз ету ұсынылсын.

3. Жалпы білім беретін және орта оқу орындарының басшылары компьютермен жарақтандырылған жұмыс орындарындағы жұмыс және оқу орындарын есепке алуды, еңбек ету және оқыту жағдайларын зерделеуді қамтамасыз етсін.

4. Меншік нысанына қарамастан, жоғары оқу орындарының басшыларына компьютермен жарақтандырылған жұмыс орындарындағы жұмыс және оқу орындарын есепке алуды, еңбек ету және оқыту жағдайларын зерделеуді қамтамасыз ету ұсынылсын.

5. «Атырау-Жарық» ашық акционерлік қоғамына (келісім бойынша) жоғары вольтті желістерге жақын тұрғын үй-жайлары аумақтарындағы нүктелеріндегі өндірістік жиіліктің (50 Гц) ауыспалы тоғының жоғары вольтті электр тарату желісінің электромагниттік өріс көрнеуінің деңгейін зерттеуді жүргізу ұсынылсын.

6. Атырау облыстық ақпараттандыру және байланыс басқармасы (келісім бойынша) жеке және заңды тұлғаларға радиоэлектрлік құралдарды пайдалану мен бақылау-қадағалау функцияларын жүзеге асыруға рұқсат беру кезінде мемлекеттік санитарлық-эпидемиологиялық қадағалау органдарымен келісілген санитарлық паспорттардың болуын талап етсін.

7. Атырау облыстық денсаулық сақтау басқармасы диагностикалық, физиотерапиялық және өзге де емшараларды өткеру кезінде пациенттерге, сондай-ақ осы жабдықпен жұмыс істейтін тұлғаларға физикалық факторлардың (шуғыл, діріл, электромагниттік және ультракүлгін сәулелендіру, электрлік өріс) зиянды әсер етуінің алдын алу жөніндегі шараларды алсын.

8. Атырау облыстық мемлекеттік санитарлық-эпидемиологиялық қадағалау басқармасы:

1) физикалық факторлар бойынша кәсіпорындар мен ұйымдардағы жұмыс орындарын, жалпы білім беретін мектептердегі, жоғары және орта оқу орындарындағы оқыту жағдайларын есептеуге тікелей қатыссын.

2) алынған материалдар негізінде, қазіргі заманғы қорғаныш құралдарын пайдалана отырып, физикалық факторлардың әсер етуін қорғау іс-шараларының кешенді жоспарын әзірлеуге қатыссын.

9. Осы қаулының орындалуын бақылау облыс әкімінің орынбасары Т.Қ. Мүрсәлиеваға жүктелсін.