Об организации переселения и обустройства семей оралманов в 2004 году Күшін жойған

2004 жылы оралмандар отбасыларының қоныс аударуы мен жайластырылуын ұйымдастыру туралы Қазақстан Республикасының "Қазақстан Республикасындағы жергiлiктi мемлекеттiк басқару туралы" , "Халықтың көшi-қоны туралы" Заңдарына сәйкес, Қазақстан Республикасы Президентiнiң "Оралмандардың 2004 жылға арналған көшiп келу квотасы туралы" 2003 жылғы 31 қазандағы N 1216 Жарлығын басшылыққа ала отырып және тарихи отанына оралуға тiлек бiлдiрген оралмандар отбасыларының қоныс аударуы мен жайластырылуын ұйымдастыру мақсатында облыс әкiмдiгi ҚАУЛЫ ЕТЕДI:

1. Аудандар мен Орал қаласы бойынша оралмандар отбасыларын орналастыру сызбасы 1 қосымшаға сәйкес бекітілсін.

2. Оралмандардың отбасыларын қабылдауды және орналастыруды ұйымдастыру жөніндегі облыстық комиссия құрамы 2 қосымшаға сәйкес бекітілсін.

3. Аудандардың және Орал қаласының әкiмдерi Батыс Қазақстан облыстық көшi-қон және демография басқармасымен бiрлесiп, өзiнiң тарихи отанына мемлекеттiң қаржылай қолдануынсыз қайтып орала алмайтын ұлты қазақ адамдарды ұйымдастырған түрде қоныстандыруды оралмандардың 2004 жылға көшiп келу квотасы және осы мақсатқа республикалық бюджетте қаралған қаржы шегiнде қабылдауды, сондай-ақ олардың есебiн алуды, орналастырылған жерлерде жайғастыруды жүзеге асырсын.

4. Батыс Қазақстан облыстық көшi-қон және демография басқармасы облыстық кеден басқармасымен бiрлесе отырып, оралмандардың көшiп шығуы мен транзиттiк өтуi және мемлекет шекарасынан өту кезiнде оларға көмектер көрсету мәселелерiн Ресей Федерациясының көршiлес облыстарының тиiстi органдарымен бiрлесiп әзiрлесiн.

5. Батыс Қазақстан облыстық iшкi iстер басқармасы оралмандардың облыс аумағымен өту кезiнде және орналасқан орындарында жеке және мүлiктiк қауiпсiздiгiн қамтамасыз етсiн.

6. Облыстық денсаулық сақтау, бiлiм, еңбек, жұмыспен қамту және халықты әлеуметтiк қорғау басқармалары оралмандардың отбасы мүшелерiн дәрiгерлiк тексеруден өткiзудi қамтамасыз етсін, оларды еңбекке орналастыруға, оқытуға және кәсіптік қайта даярлауға көмектер көрсетсін.

7. Осы қаулының орындалуын бақылау облыс әкiмiнiң орынбасары А.Қ. Есенғалиевке жүктелсiн.

Облыс әкімдігінің 2003 жылғы 8 желтоқсандағы N 257 қаулысына N 1 қосымша Оралмандардың 2004 жылға арналған көшіп келу квотасы бойынша оралмандар отбасыларын орналастыру СЫЗБАСЫ Аудандардың және Орал қаласының атауы Отбасылар саны Ақжайық 50 Бөрлі 100 Жаңақала 10 Жәнібек 10 Зеленов 170 Казталовка 10 Тасқала 100 Теректі 150 Орал қаласы 100 Облыс бойынша 700

Облыс әкімдігінің 2003 жылғы 8 желтоқсандағы N 257 қаулысына N 2 қосымша Оралмандарды қабылдауды және орналастыруды ұйымдастыру жөніндегі облыстық комиссияның ҚҰРАМЫ Есенғалиев Абат Қадимұлы - облыс әкімінің орынбасары, комиссия төрағасы Қарменов Ғабрашит - Батыс Қазақстан облыстық көші-қон және демография басқармасының бастығы, комиссия төрағасының орынбасары Бисембаева Светлана Ерғалиқызы - облыстық білім басқармасының бастығы Жәкиев Қайреден Есенғалиұлы - облыстық ауыл шаруашылығы департаментінің бастығы Есқалиев Ғали Нажімденұлы - кәсіпкерлікті қолдау және дамыту басқармасының бастығы Мырзахметов Бекет Тельманұлы - облыстық денсаулық сақтау басқармасының бастығы Мордасов Николай Павлович - Батыс Қазақстан облысы бойынша жер қорларын басқару жөніндегі комитеттің төрағасы (келісім бойынша) Сандыбаев Құсайын Асқарбайұлы - Батыс Қазақстан облыстық ІІБ-нің көші-қон полициясы басқармасының бастығы Сәтмағанбет Бақыт Сегізбайұлы - Батыс Қазақстан облысы бойынша кеден бақылау департаментінің бастығы Сүлеймен Серік Кенжебекұлы - облыстық еңбек, жұмыспен қамту және халықты әлеуметтік қорғау басқармасының бастығы Хамитов Асқар Шәңгерейұлы - облыстық қаржы басқармасының бастығы