Об организации отдыха, оздоровления и занятости детей и подростков летом 2004 года Қолданыста

Балалардың және жасөспірімдердің 2004 жылдың жазында демалысын, сауықтырылуын және еңбекпен қамтылуын ұйымдастыру туралы Балалардың және жасөспірімдердің демалысын, сауықтырылуын және еңбекпен қамтылуын, олардың шығармашылық дамуын ұйымдастыру, сондай-ақ 2004 жылдың жазғы кезеңінде кәмелетке толмағандардың құқық бұзушылығының, қылмысының және қараусыз қалуларының алдын алу үшін қажетті жағдайлар туғызу мақсатында Қостанай облысының әкімияты ҚАУЛЫ ЕТЕДІ:

1. Балалардың және жасөспірімдердің 2004 жылдың жазында демалысын, сауықтырылуын және еңбекпен қамтылуын ұйымдастыру жөніндегі Қостанай облысы әкімиятының облыстық комиссиясы құрылсын және белгіленген тәртіппен комиссия құрамы облыстық мәслихаттың сессиясында бекітуге енгізілсін.

2. Облыстың қалаларының және аудандарының әкімияттары:

1) облыстың қалалары мен аудандарында осы сияқты комиссиялар құрылсын;

2) барлық үлгідегі лагерлердің олардың материалдық-техникалық базасының нығайтылуына ерекше назар аудара отырып уақытында даярлануы жөніндегі ұйымдастыру жұмысын жүргізсін, олардың толық пайдаланылуын қамтамасыз етсін;

3) қала сыртындағы лагерлер, барлық үлгідегі лагерлердің жүйесін жақсарту жөнінде шаралар қолданылсын;

4) жазғы сауықтыру кезеңін өткізуге даярлықтың барысы туралы 2004 жылғы 20 мамырға облыс әкімі аппаратының әлеуметтік сала бөліміне ақпарат берсін.

3. Қостанай облысының білім департаменті (Қ.А.Қаткенов):

1) жетім балалардың, біреудің бағып күтуіндегі және қамқорлығындағы балалардың, аз қамтылған отбасы балаларының (кіріс бір адамға 2 есептік көрсеткіштен аспайтын), көп балалы отбасы балаларының (3 баладан астам), жұмыссыздар отбасы балаларының, ата-анасының біреуі тәрбиелеп жатқан балалардың, денсаулығы нашар балалардың (аз қамтылған отбасыларында тәрбиеленіп жатқан созылмалы түндік аурулармен ауыратын), дарынды балалардың (олимпиада резерві мектептерінің) демалысының және сауықтырылуының ұйымдастырылуына 2004 жылғы облыстық бюджетте қарастырылған қаржы қаражаттарын және кәсіпорындар мен ұйымдардың жұмыс істеп тұрған санаторий- профилакторийлерімен келісім бойынша олардың базасында жоғарыда атап өтілген санаттардағы балалардың сауықтырылуын ұйымдастырсын (1 қосымша);

2) Меңдіқара ауданының «Лесная сказка» сауықтыру лагерінің базасында «Ровесник» педагогикалық отрядының күшімен мектеп активін оқыту және әртүрлі санаттағы балаларды сауықтыру үшін қала сыртында облысаралық сауықтыру лагерінің жұмысын ұйымдастырсын;

3) қала сыртында сауықтыру лагерлері бар кәсіпорындар және ұйымдар басшыларымен келісім бойынша қолданылып жүрген еңбек заңнамаларына сәйкес лагерлерді тәрбиеші, вожатый кадрлармен және басқа қызметкерлермен толықтырсын;

4) облыстың жалпы білім беретін мектептерінің жанынан күндіз болатын және тамақтанатын балалардың сауықтыру лагерлерін құрсын;

5) балалар мен жастар ұйымдары қауымдастығымен және кәсіподақтардың облыстық кеңесімен келісім бойынша балалардың өмірі мен денсаулығын қорғау жөнінде міндетті түрде нұсқаулық беретін сауықтыру лагерлерінің басшыларының және аға вожатыйларының оқуын өткізсін;

6) балалар үйлері мен мектеп-интернаттарда тәрбиеленуші балалардың сауықтырылуы және демалуы үшін «Юный строитель», «Алау» сауықтыру лагерлерінің дайындығын қамтамасыз ету.

4. Облыстық еңбек, жұмыспен қамту және халықты әлеуметтік қорғау басқармасы (О.Киколенко) 16-дан 18 жасқа дейінгі жұмыссыз жастардың қоғамдық жұмыстармен барынша қамтылуын қамтамасыз ету.

5. Облыстық денсаулық сақтау басқармасы (Е.Ғалымжанов), облыстық мемлекеттік санитарлық-эпидемиологиялық қадағалау басқармасы (В.Пасичник) барлық үлгідегі жазғы сауықтыру мекемелерінің даярлық барысына қатаң санитарлық-гигиеналық бақылау орнатсын.

6. Қостанай облыстық суда құтқару қызметінің орталығы (А.Маманов) балалардың сауықтыру ұйымдарында балалардың суға түсу қауіпсіздігі үшін бақылау жасауды қамтамасыз етсін.

7. Қостанай облыстық ішкі істер бас басқармасы балаларды тасымалдау қауіпсіздігін қамтамасыз етсін және сауықтыру, еңбек және демалыс лагерлерінде қоғамдық тәртіптің сақталуына көмек көрсетсін.

8. Балалар мен жасөспірімдердің 2004 жылдың жазында демалуын, сауықтырылуын және еңбекпен қамтылуын ұйымдастыру жөнінде облыстық, қалалық және аудандық комиссиялар 2004 жылғы 30 мамырдан 10 маусымға дейін мүдделі ведомстволардың мамандарын тарта отырып, балаларды сауықтыру мекемелерінің жұмысқа даярлығының байқауы мен қабылдауын өткізсін.

9. Осы қаулының орындалуына бақылау жасау облыс әкімінің орынбасары Б.Баймағамбетоваға жүктелсін.

Қазақстан Республикасы Қостанай облысы әкімиятының» «Балалардың және жасөспірімдердің 2004 жылдың жазында демалысын, сауықтырылуын және еңбекпен қамтылуын ұйымдастыру туралы» 2004 жылғы 17 сәуірдегі № 100 қаулысына қосымша 2004 жылы балалардың демалысы мен сауықтырылуына трансферттер қарастырылған ұйымдардың ТІЗБЕСІ № Ұйымның атауы Демалыс түрі Болу ұзақтығы Балалар саны Қызмет көрсету құны, мың теңге 1 «Ровесник»  педагогикалық отряды қоғамдық бірлестігі («Лесная сказка»  сауықтыру лагері, Меңдіқара ауданы) Мектеп активінің оқуы, түрлі санаттағы балалардың сауықтырылуы 14 күн ( 1 маусым) 160-тан кем емес 1520 2 «Ішкі істер бас басқармасының  Сұңқар» мемлекеттік коммуналдық кәсіпорнының Бәкіров атындағы демалыс базасы Жетім балалардың, ата-ана қарауынсыз қалған, көп балалы, аз қамтылған отбасылары балаларының демалысы 15 күн (3 маусым) 242 -ден кем емес, оның ішінде 120- тәрбиесі қиын балалар 2420 3 «Сосновый бор» санаторийі  ашық акционерлік қоғамы Қалалық және селолық жерлердің оқушылары үшін медициналық қызмет көрсетулері бар демалыс 12 күн (3 маусым) 360-тан кем емес 3600 4 Арқалық қаласы сыртындағы «Строитель»  сауықтыру лагері Көп балалы, аз қамтылған отбасыларындағы балалар демалысы 15 күн (2 маусым) 140 -тан кем емес 910 5 «Балдырған»  сауықтыру лагері Мектеп-интернаттардағы жетім балалардың, ата-ана қарауынсыз қалған балалардың демалысы 15 күн (2 маусым) 200-ден кем емес 1550