Об организации отдыха, оздоровления, занятости детей и подростков в летний период 2004 года Қолданыста

2004 жылғы жазғы кезеңде балалар мен жасөспірімдердің демалысын, сауықтырылуын және жұмыспен қамтылуын ұйымдастыру туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» №148 Заңына, Қазақстан Республикасы Премьер-Министрлігінің 2003 жылғы 22 сәуірдегі «2003-2005 жылдардың жазғы каникул кезеңінде балалар мен жасөспірімдердің демалысын, сауықтырылуын және жұмыспен қамтылуын ұйымдастыру туралы» №70-ө өкіміне сәйкес және балалар мен жасөспірімдердің демалысын, сауықтырылуын, жұмыспен қамтылуын, олардың шығармашылық дамуын ұйымдастыру, сондай-ақ кәмелетке толмағандардың, бақылаусыз қалуының, құқық бұзушылықтарының алдын алу үшін қажетті жағдайлар жасау мақсатында:

1. Балалар мен жасөспірімдердің демалысын, сауықтырылуын және жұмыспен қамтылуын ұйымдастыру мен өткізуді бақылау жөніндегі облыстық комиссия қосымшаға сәйкес құрамда құрылсын.

2. Қалалар мен аудандар әкімдері:

1) Жазғы маусымға уақытында әзірленуді қамтамасыз етсін;

2) Жазғы кезеңде балалар мен жасөспірімдердің демалысын, сауықтырылуын және жұмыспен қамтылуын ұйымдастыру мен өткізуді бақылау жөніндегі қалалық және аудандық комиссиялар құрсын;

3) Балалар мен жасөспірімдердің демалысы мен сауықтырылуын жергілікті бюджеттерде көзделген, сондай-ақ қолданыстағы заңнамаға қайшы келмейтін өзге де қаржылар шегінде ұйымдастырсын және өткізсін;

4) Бірінші кезекте жетім балалардың, ата-анасының қамқорлығынсыз қалған балалардың, мүмкіндігі шектелген балалардың, аз қамтамасыз етілген, көп балалы, толық емес отбасылары балаларының демалысы мен сауықтырылуын қамтамасыз етсін.

3. Облыстық қаржы басқармасы (А.К.Молотовник) облыстық білім беру мекемелерінде тәрбиеленіп жатқан жетім балалардың қала сыртындағы сауықтыру лагерьлерінде сауықтырылуын қаржылардыруды 2004 жылға арналған облыстық бюджетте көзделген қаржылар есебінен қамтамасыз етсін.

4. Облыстық білім беру департаменті (Е.Н.Иманғалиев), облыстық туризм және спорт комитеті (В.Л.Громов) жазғы кезеңде барлық қосымша білім беру ұйымдарының, спорт ұйымдары мен ғимараттарының балалармен және жасөспірімдермен жұмыс істеуге қатысуын қамтамасыз етсін.

5. Облыстық еңбек, халықты жұмыспен қамту және әлеуметтік қорғау басқармасы (Ә.Е.Әбілаев) еңбек заңнамасына сәйкес каникул кезеңінде жасөспірімдер үшін уақытша жұмыс орындарын ұйымдастырсын.

6. Облыстық туризм және спорт (В.Л.Громов) жазғы каникул кезеңінде балалар және жеткіншектер туризмін дамыту үшін жағдайлар жасасын.

7. Ішкі саясат департаменті (Б.Қ.Жұмабеков) жастар ұйымдарының балалар мен жасөспірімдердің демалысын, сауықтырылуын және жұмыспен қамтылуын өткізуге қатысуына көмек көрсетсін.

8. Мемлекеттік санитарлық-эпидемиологиялық қадағалау департаменті (С.Т.Сәтеков) жазғы сауықтыру ұйымдарының санитарлық-гигиеналық талаптарға сай болуына тексеріс ұйымдастырсын, олардың орналасқан жеріндегі санитарлық-эпидемиологиялық қолайлы жағдайына, тамақтандыруды ұйымдастыруына қадағалаудың тиісті деңгейін қамтамасыз етсін.

9. Кәмелетке толмағандардың құқығын қорғау жөніндегі комиссия жазғы кезеңде кәмелетке толмағандар арасында бақылаусыз қалудың, құқық бұзушылық пен қылмыстың алдын алу жөнінде нақты шаралар қабылдасын.

10. Балансында қала сыртындағы сауықтыру лагерьлері бар кәсіпорындар мен ұйымдар басшыларына:

1) Қала сыртындағы сауықтыру лагерьлерін медициналық жабдықтармен, дәрі-дәрмекпен, сапалы тамақтануды қамтамасыз ететін азық-түлікпен, өрт қауіпсіздігі құралдарымен, спорттық және мәдени бұйымдармен қамтамасыз етуге;

2) Кәсіподақ комитеттерінің және еңбек ұжымдарының келісімен аз қамтамасыз етілген және көп балалы отбасылардың балаларына арналған ақысыз жолдамалар мен құны жартылай төленетін жолдамалар санын анықтауға;

3) Облыстық білім беру департаментімен (Е.Н.Иманғалиев), облыстық денсаулық сақтау басқармасымен (Қ.Қ.ермекбаев), облыстық мәдениет департаментімен (Р.К.Омарбекова) бірлесе отырып қала сыртындағы сауықтыру лагерьлерін келісім-шарт негізінде білікті мамандармен жасақтауға назар аудару ұсынылсын.

11. Қала сыртындағы сауықтыру лагерьлерінде балалар өмірі мен денсаулығын қорғауды қамтамасыз етуге жағдай жасау үшін:

1) Облыстық денсаулық сақтау басқармасы (Қ.Қ.Ермекбаев) балалар мен жасөспірімдерге медициналық қызмет көрсетуге, олардың сауықтырылуын ұйымдастыруға бақылау жасауды қамтамасыз етсін;

2) Облыстық туризм және спорт комитеті (В.Л.Громов) спорт, ойын алаңдарының, туристік жорықтар, экскурсиялар, серуендер бағыттарының қауіпсіздігін тексеруді мезгілінде жүзеге асырсын;

3) Өртке қарсы мемлекеттік қызметтің бас басқармасы (В.М.Козлов-келісім бойынша) жазғы каникул басталғанға дейін балаларды демалту, сауықтыру және жұмыспен қамту ұйымдарының өртке қарсы жай-күйіне тексеріс жүргізсін және олардың өртке қарсы қауіпсіздігін қамтамасыз етсін;

4) Облыстық судан құтқару қызметі (К.К.балмұханов) суға түсетін орындардың қауіпсіздігіне бақылау орнатсын;

5) Ішкі істер бас басқармасы (А.В.Кулинич – келісім бойынша) балаларды тасымалдау қауіпсіздігін және балаларды сауықтыру ұйымдарында қоғамдық тәртіптің қорғалуын қамтамасыз етсін, жазғы каникул кезеңінде жолдар мен көшелерде балалар жарақаттануын азайту жөнінде алдын алу шараларын қабылдасын.

6) Облыстық телекоммуникация дирекциясы (Б.Р.Аманов – келісім бойынша), кәсіпорындар мен ұйымдар басшылары қала сыртындағы лагерьлердің телефон байланысын және оның үздіксіз жұмыс істеуін қамтамасыз етсін.

12. Қарағанды облыстық телерадиокомпаниясы (Ә.Ә.Әбдәкімов), «Индустриальная Караганда» (С.М.Кемелбаев), «Орталық Қазақстан» (М.С.Сембай) облыстық газеттерінің редакциялары бұқараралық ақпарат құралдарында балалар мен жасөспірімдердің жазғы демалысына, сауақтырылуына және жұмыспен қамтылуына әзірлік және оны өткізу барысын ұдайы жария етсін.

13. Облыс әкімінің 2003 жылғы 20 мамырдағы «2003 жылдың жазғы маусымында балалар мен жеткіншектердің демалысын, сауықтырылуын, жұмыспен қамтылуын ұйымдастыру туралы» №24 шешімінің күші жойылған деп танылсын (тіркелу № 1211 2003 жылғы 5 маусым 2003 жылғы 27 маусымдағы «Индустриальная Караганда» №71 (19847).

14. Аталмыш шешімнің орындау барысы туралы ақпарат 2004 жылғы 10 қыркүйек қарсаңында тапсырылсын.

15. Осы шешімнің орындалуына бақылау жасау облыс әкімінің орынбасары Е.Л.Тоғжановқа жүктелсін.

Облыс әкімінің 2004 жылғы 26 мамыр «2004 жылдың жазғы кезеңде балалар мен жасөспірімдердің демалысын, сауықтырылуын және жұмыспен қамтылуын ұйымдастыру туралы» №45 шешіміне қосымша Балалар мен жасөспірімдердің демалысын,сауықтырылуын және жұмыспен қамтылуын ұйымдастыру мен өткізуді бақылау жөніндегі облыстық комиссияның ҚҰРАМЫ

1. Тоғжанов -облыс әкімінің орынбасары, комиссия төрағасы Ералы Лұқпанұлы

2. Иманғалиев -облыстық білім беру департаментінің бастығы, Есенғазы Нұртөлеуұлы бастығы, комиссия төрағасының орынбасары

3. Бекшенова -облыстық «Қарағанды» қоғамдық балалар Бағдат Мұхамедәліқызы қорының атқарушы директоры (келісім бойынша)

4. Ермекбаев -облыстық денсаулық сақтау басқармасының Қанат Қәртайұлы бастығы

5. Кулагина -облыс әкімі аппаратының әлеуметтік сала Татьяна Петровна бөлімінің бас маманы

6. Сәтеков -мемлекеттік санитарлық-эпидемиологиялық Серікбай Түгелбайұлы қадағалау департаментінің директоры

7. Самойлюк - білім беру және ғылым қызметкерлерінің Татьяна Филипповна облыстық кәсіподақ комитетінің төрайымы (келісім бойынша)