О социальной поддержке отдельных категорий граждан, финансируемых из районного бюджета в 2004 году Қолданыста

2004 жылы аудан бюджетінен қаржыландырылатын азаматтардың жекелеген санаттарына әлеуметтік қолдау туралы Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңының 31 бабының 1 тармағының 14) тармақшасына сәйкес және аудан азаматтарының жекелеген санаттарына атаулы әлеуметтік көмек көрсету мақсатында аудан әкімдігі ҚАУЛЫ ЕТЕДІ:

1. Аудан бюджетінен қаржыландырылатын азаматтардың жекелеген санаттарына әлеуметтік төлемдер туралы Нұсқау (бұдан әрі – Нұсқау) бекітілсін.

2. Аудандық қаржы және экономика басқармасы (Доскереев Қ.Б.) бюджет қаражатының шектігінде әлеуметтік төлемдер бойынша Бағдарламалардың және Бағдарлама бөлімдерінің іс-шараларын уақытылы қаржыландыруды қамтамасыз етсін.

3. Аудан әкімдігінің 2004 жылғы 24 наурыздағы «2004 жылы аудан азаматтарының жекелеген санаттарын әлеуметтік қолдау туралы» № 58/4, 15 шілдедегі 2004 жылғы «24 наурыздағы 2004 жылғы аудан әкімдігінің «2004 жылы аудан азаматтарының жекеленген санаттарын әлеуметтік қолдау туралы» № 58/4 қаулысына өзгерістер және толықтырулар енгізу туралы» № 139/10 қаулыларының күші жойылсын.

4. Осы қаулының орындалуын бақылау аудан әкімінің орынбасары А.К.Мардановаға жүктелсін.

Железин ауданы әкімдігінің 2004 жылғы 23 қыркүйектегі «2004 жылы аудан азаматтарының жекелеген санаттарын әлеуметтік қолдау туралы № 205/12 қаулысымен» бекітілді Аудан бюджетінен қаржыландырылатын азаматтардың жеке санаттарына әлеуметтік төлемдер туралы Нұсқау

1. Жалпы ереже

1. Осы Нұсқау Қазақстан Республикасының 1991 жылғы 21 маусымдағы «Қазақстан Республикасында мүгедектердің әлеуметтік қорғалуы туралы», Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңдарына, Қазақстан Республикасы Президентінің 1995 жылғы 28 сәуірінде заң күші бар «Ұлы Отан соғысының мүгедектері, қатысушылары және оларға теңестірілген тұлғалардың әлеуметтік қорғалуы және жеңілдіктері туралы» № 2247 жарлығына, Қазақстан Республикасы Үкіметінің 2001 жылғы 29 желтоқсандағы «2002 – 2005 жылдары мүгедектерді сауықтыру бағдарламасы туралы» қаулысына сәйкесті жергілікті өкілетті органдардың шешімдері бойынша аудан азаматтарының жеке санаттарына әлеуметтік төлемдердің ретін белгілейді.

2. Жеке әлеуметтік төлемдер алуға құқығы бар

2. Әлеуметтік төлемдер алуға құқы бар:

1) тұрғын үй-жайда қызмет көрсетілетін және үйде оқытылатын мүгедек балалар;

2) туберкулезбен ауырғандар және туберкулез індеті жайылған ошақтардағы балалар;

3) облыстық тері - венерогиялық және наркологиялық диспансерге зерттелуге, емделуге жолдама алған науқастар;

4) өтініш берген мезгілде табыстары бір отбасы мүшесіне шаққанда белгіленген кедейшіліктен аспайтын аз қамсызданған отбасыларынан шыққан онко ауруымен ауырған науқастар;

5) тосын жағдайларда (өрт болғанда, табиғат апаттарында, асыраушыдан айрылғанда, жұмыссыздар ұзақ уақыт созылмалы аурамен ауырғанда және басқа да жағдайларда), өмір сүруге қаражатсыз қалған жұмыс істемейтін азаматтар;

6) Ұлы Отан соғысына қатысқандар мен мүгедектері;

7) соғыс ардагерлеріне теңестірілгендер (жалдамалы құрамыңдағылар, Ленинград тұрғындары, неміс концлагерінде азап шеккендер, «Германияны жеңгені үшін» медалімен марапатталғандар, қайтыс болғпн мүгедектер мен соғысқа қатысқандардың жалпы ауырларының нәтижесінде мүгедектік атанғандарының әйелдері (қайтадан некеге түспегендер).

8) Әскери қызметкерлер, әскери міндетін атқару кезінде мүгедек болғандар және бейбітшілік уақытта әскери қызметін атқару кезінде қаза болған әскери қызметкерлердің жанұялары.

9) Совет үкіметі кезеңінде Ұлы Отан соғысы кезінде еңбек шебінде ерен еңбектері мен мінсіз қызметі үшін орден, медальдармен марапатталған азаматтар.

3. Әлеуметтік төлемдерді тағайындау реті

3. Осы Нұсқаудың 2 тарауының 2 тармағында көрсетілген әлеуметтік төлемдер келесі санаттағы азаматтарға тағайындалады:

1) Қазақстан Республикасының 1991 жылғы 21 маусымдағы «Қазақстан Республикасында мүгедектердің әлеуметтік қорғалуы туралы» Заңына және 016 104 332 бюджет бағдарламасына сәйкесті 1) тармақшада көрсетілген санаттағылар үшін;

2) 1995 жылғы 28 сәуірдегі Қазақстан Республикасы Президентінің «Ұлы Отан соғысының мүгедектері, қатысушылары және оларға теңестірілгендерге жеңілдіктер және оларды әлеуметтік қорғау туралы» № 2247 заңды күші бар қаулысына және «Жергілікті өкілетті органдардың шешімдері бойынша заматтардың жеке санаттарына әлеуметтік төлемдер» 015.00.332 бюджет бағдарламасына сәйкес 2), 3), 4), 5), 6), 7), 8), 9) тармақшалардағы көрсетілген санаттағылар үшін.