Об образовании комиссии по выполнению областной программы развития жилищного строительства на 2005-2007 годы при акимате Акмолинской области Күшін жойған

Ақмола облысы әкімдігінің жанындағы 2005-2007 жылдарға арналған облыстық тұрғын үй бағдарламасын жүзеге асыруды бақылау жөніндегі облыстық комиссия құру туралы Ақмола облыстық мәслихатының 2004 жылғы 29 маусымдағы № 3С-6-3, Ақмола облысы әділет департаментінде 2004 жылғы 14 шілдеде № 2691 болып тіркелген шешімімен бекітілген Ақмола облысында 2005-2007 жылдарға арналған облыстық тұрғын үй бағдарламасын жүзеге асырудың тұрақты мониторингін іске асыру мақсаттарында облыс әкімдігі ҚАУЛЫ ЕТЕДІ:

1. Ақмола облысы әкімдігінің жанындағы 2005-2007 жылдарға арналған облыстық тұрғын үй бағдарламасын жүзеге асыруды бақылау жөніндегі облыстық комиссия (бұдан әрі - Комиссия) құрылсын.

2. Облыстық комиссияның дербес құрамы облыстық мәслихат сессиясының бекітуіне ұсынылсын (қосымша 1).

3. Облыстық комиссия туралы ереже бекітілсін (қосымша 2).

4. Осы қаулы Ақмола облысының әділет департаментінде тіркелгеннен кейін күшіне енеді және жариялануы қажет.

Облыс әкімдігінің 2004 ж.13.11. № A-10/275 қаулысына қосымша 1. Ақмола облысы әкімдігінің жанындағы 2005-2007 жылдарға арналған облыстық тұрғын үй бағдарламасын жүзеге асыруды бақылау жөніндегі облыстық комиссияның ҚҰРАМЫ Отаров Қадырхан Махмұтұлы - облыс әкімінің орынбасары, төрағасы Митрофанов Анатолий Филлипович - облыстық сәулет, құрылыс, тұрғын үй-коммуналдық және жол шаруашылығы басқармасының орынбасары, хатшысы Комиссия мүшелері: Әкімов Рашит Қайыржанұлы - Көкшетау қаласының әкімі Савицкий Дмитрий Емельянович - қаржы басқармасының бастығы Күзембаева Маржан Бопайқызы - экономика және шағын бизнесті дамыту басқармасының бастығы Мырзахметов Болат Кәмалиұлы - облыс әкімі аппараты өндірістік салалар бөлімінің меңгерушісі Ыбыраев Зарап Балташұлы - облыс әкімі аппараты мемлекеттік құқықтық жұмыстар бөлімінің меңгерушісі Әркенов Шәріп Әркенұлы - облыстық сәулет, құрылыс, тұрғын үй-коммуналдық және жол шаруашылығы басқармасы бастығының міндетін атқарушы

Облыс әкімдігінің 2004 ж.13.11. № A-10/275 қаулысына қосымша 2. Ақмола облысы әкімдігінің жанындағы 2005-2007 жылдарға арналған облыстық тұрғын үй бағдарламасын жүзеге асыруды бақылау жөніндегі облыстық комиссия туралы ЕРЕЖЕ

1. Жалпы ережелер

1. Ақмола облысы әкімдігінің жанындағы 2005-2007 жылдарға арналған облыстық тұрғын үй бағдарламасын жүзеге асыру жөніндегі облыстық комиссия (бұдан әрі - Комиссия) консультативтік кеңес беру органы болып табылады және өз жұмысында Қазақстан Республикасының Конституциясы мен заңдарын, Елбасы мен Қазақстан Республикасы Үкіметінің актілерін, басқада нормативтік-құқықтық актілерді, сонымен қатар осы ережені басшылыққа алады.

2. Облыстық комиссия төраға мен оның орынбасарынан, хатшысынан және комиссия мүшелерінен құралады.

3. Облыстық комиссияның дербес құрамын облыстық мәслихат бекітеді.

4. Комиссия шешімдері ұсыныстық сипатқа ие болады.

2. Облыстық комиссияның міндеттері, функциялары мен өкілеттіктері

5. Облыстық комиссияның міндеттері мен функциялары:

1) Ақмола облысы әкімдігінің жанындағы 2005-2007 жылдарға арналған облыстық тұрғын үй бағдарламасын жүзеге асыру бойынша облыс әкімдігіне ұсыныстар әзірлеп енгізу;

2) облыстық бағдарламаны жүзеге асыру мониторингін жүргізу;

6. Облыстық комиссия өз өкілеттігі деңгейінде құқықты:

1) аудандық, қалалық әкімдіктерден, облыстық басқармалар мен ведомстволардан (келісімі бойынша) өзіне жүктелген міндеттерді орындау үшін қажетті мәліметтер, құжаттар, материалдар сұратып алу;

3. Облыстық комиссияның қызметін ұйымдастыру

7. Облыстық комиссияның отырыстары қажет болған кезде өткізіледі, бірақ айына бір реттен кем болмайды.

8. Облыстық комиссияның отырысы оған облыстық комиссия мүшелерінің жалпы санының үштен екісі қатысса заңды. Облыстық комиссияның мүшелері оның отырыстарына өздері ғана қатыса алады.

9. Облыстық комиссияның шешімі оның отырысына қатысушы мүшелерінің жалпы санының жай көп дауысымен қабылданады. Комиссия мүшелерінің дауысы тең бөлінген жағдайда, төрағаның дауысы шешуші маңызға ие болады.

10. Облыстық комиссияның отырыстарына облыстық комиссияның мүшесі емес лауазымды тұлғалар, сол сияқты бұқаралық ақпарат құралдарының өкілдері шақырылуы мүмкін.

11. Облыстық комиссияның төрағасы:

1) Облыстық комиссияның қызметіне басшылық жасайды және оның отырыстарында төрағалық етеді;

2) Облыстық комиссияның атқарған жұмыстары туралы айына бір рет облыс әкіміне мәлімет тапсырып отырады.

12. Төраға болмаған кезде оның міндеттерін төрағаның орынбасары атқарады.

13. Облыстық комиссияның хатшысы:

1) комиссия отырысының өткізілетін уақыты мен орны туралы оның мүшелеріне хабарлайды;

2) облыстық комиссияның отырыстарына материалдар дайындауды ұйымдастырады;

3) облыстық комиссия отырысының хаттамасын жүргізеді;

4) облыстық комиссия төрағасына оның мүшелері дайындаған шешімдері уақытында және сапалы орындалуын бағалау жөнінде істелген жұмыстары туралы есептерін тапсырады;

5) облыстық комиссия төрағасының тапсырмасы бойынша басқа да міндеттерді жүзеге асырады.

14. Облыстық комиссияның жұмысшы органы облыстық сәулет, құрылыс, тұрғын үй-коммуналдық және жол шаруашылық басқармасы болып табылады.

4. Комиссияның жұмысын тоқтату

15. Комиссия өз жұмысын Ақмола облысы Әкімдігінің қаулысы негізінде тоқтатады.