Об утверждении Правил назначения и выплаты социальной помощи инвалидам с детства и детям-инвалидам в возрасте до шестнадцати лет, проживающим на территориях прилегающих к полигонам «Капустин Яр» и «Азгир» на 2005-2007 годы Күшін жойған

2005-2007 жылдарға арналған «Капустин Яр» және «Азғыр» полигондарымен шектесетін аумақтарда тұратын бала кезінен мүгедектерге және он алты жасқа дейінгі мүгедек балаларға әлеуметтік көмектер тағайындаудың және төлеудің Ережесін бекіту туралы Қазақстан Республикасының "Қазақстан Республикасындағы жергілікті мемлекеттік басқару туралы", "Қазақстан Республикасында мүгедектердің әлеуметтік қорғалуы туралы" Заңдарын басшылыққа ала отырып және "Әскери-сынақ полигондары әсерінен зардап шеккен Батыс Қазақстан облысының тұрғындарын сауықтыру жөніндегі 2005-2007 жылдарға арналған аймақтық бағдарламасы туралы" облыстық мәслихаттың 2004 жылғы 20 желтоқсандағы N 13-11 шешімін іске асыру мақсатында облыс әкімдігі ҚАУЛЫ ЕТЕДІ:

1. Қоса беріліп отырған 2005-2007 жылдарға арналған "Капустин Яр" және "Азғыр" полигондарымен шектесетін аумақтарда тұратын бала кезінен мүгедектерге және он алты жасқа дейінгі мүгедек балаларға әлеуметтік көмектер тағайындаудың және төлеудің Ережесі 1 қосымшаға сәйкес бекітілсін (бұдан әрі - Ереже).

2. Батыс Қазақстан облысының жұмыспен қамту және әлеуметтік бағдарламаларды үйлестіру департаменті тиісті әлеуметтік көмектердің дер кезінде тағайындалуын және төленуін бақылауды қамтамасыз етсін.

3. "Капустин Яр" және "Азғыр" полигондарымен шектесетін Ақжайық, Бөкейордасы, Жаңақала, Жәнібек, Казталовка және Қаратөбе аудандарының әкімдері әлеуметтік көмектердің төленуіне көмектер көрсетсін және осы қаулыны іске асыру жөнінде қажетті шараларды алсын.

4. Осы қаулының орындалуын бақылау облыс әкімінің орынбасары А. С. Иманғалиевке жүктелсін.

Облыс әкімдігінің 2005 жылғы 9 наурыздағы N 88 қаулысымен бекітілген 2005-2007 жылдарға арналған "Капустин Яр" және "Азғыр" полигондарымен шектесетін аумақтарда тұратын бала кезінен мүгедектерге және он алты жасқа дейінгі мүгедек балаларға әлеуметтік көмектер тағайындаудың және төлеудің Ережесі

1. Жалпы ережелер

1. Ереже Қазақстан Республикасының "Қазақстан Республикасындағы жергілікті мемлекеттік басқару туралы", "Қазақстан Республикасында мүгедектердің әлеуметтік қорғалуы туралы" Заңдарына, сондай-ақ "Әскери-сынақ полигондары әсерінен зардап шеккен Батыс Қазақстан облысының тұрғындарын сауықтыру, жөніндегі 2005-2007 жылдарға арналған аймақтық бағдарламасына сәйкес әзірленді және ол "Капустин Яр" және "Азғыр" полигондарымен шектесетін аумақтарда тұратын бала кезінен мүгедектерге және он алты жасқа дейінгі мүгедек балаларға әлеуметтік көмек тағайындаудың және төлеудің тәртібін белгілейді.

2. "Капустин Яр" және "Азғыр" полигондарымен шектесетін Ақжайық, Бөкейордасы, Жаңақала, Жәнібек, Казталовка, Қаратөбе аудандарының аумағында тұратын бала кезінен мүгедектерге және он алты жасқа дейінгі мүгедек балаларға әлеуметтік көмек жергілікті бюджеттің мүмкіндігіне қарай 2 еселенген айлық есептік көрсеткіштен кем емес мөлшерде белгіленеді.

3. Әлеуметтік көмек бала кезінен мүгедектерге немесе олардың қамқоршыларына, он алты жасқа дейінгі мүгедек балалардың ата-аналарының біріне немесе оларды ауыстырушыларға (бұдан әрі-Алушы) төленеді.

4. Бала кезінен мүгедектер және он алты жасқа дейінгі мүгедек балалар мемлекеттің толық қамқорлығында болған жағдайда оларға әлеуметтік көмек тағайындалмайды және төленбейді.

5. Әлеуметтік көмек отбасының жалпы табысына және басқа да табыстарға қарамастан беріледі.

6. Аталған әлеуметтік көмек 2005 жылдың 1 қаңтарынан бастап тағайындалады және төленеді.

2. Әлеуметтік көмекті тағайындаудың тәртібі

7. "Капустин Яр" және "Азғыр" полигондарымен шектесетін аумақтарда тұратын әлеуметтік көмек алуға құқығы бар азаматтар, бала кезінен мүгедектер және он алты жасқа дейінгі мүгедек балалар, тұрғылықты жері бойынша жұмыспен қамту және әлеуметтік бағдарламалар органдарына арыз береді.

8. Арызға төмендегідей құжаттар тіркеледі

1) баланың тууы туралы куәлігінің көшірмесі;

2) алушының жеке куәлігі;

3) алушының салық төлеудегі тіркеу нөмірі;

4) қамқоршылыққа алу фактілері болған жағдайда, қамқорлыққа алу туралы шешім (қамқоршылықты белгілеу туралы тиісті орган шешімінің көшірмесі);

5) түпкілікті тұрағы бойынша уәкілетті орган берген тіркеу туралы құжаты;

6) мүгедектік тобын белгілеу туралы дәрігерлік-әлеуметтік сараптаманың (ДӘС) куәландыру актісінің белгіленген үлгідегі көшірмесі.

9. Тапсырылған құжаттар негізінде уәкілетті орган 10 күн мерзім ішінде әлеуметтік көмекті тағайындау немесе бас тарту туралы шешім қабылдайды. Әлеуметтік көмекті тағайындаудан бас тартқан жағдайда арыз берушіге жазбаша түрде хабарланады.

10. Әлеуметтік көмек тоқсанға тағайындалады және ай сайын төленеді.

11. Әлеуметтік көмек барлық қажетті құжаттарды тапсырғаннан кейін, өтініш берген айдан бастап тағайындалады.

12. Даулы мәселелер Қазақстан Республикасының қолданыстағы заңнамаларына сәйкес қаралады.

3. Әлеуметтік көмекті төлеу

13. Әлеуметтік көмекті төлеу белгіленген заңнамалық тәртіпке сәйкес тендерде жеңіп алған, тиісті банктік операция түрлерін жүргізуге Қазақстан Республикасы Ұлттық банкісінің лицензиясы бар ұйымдар арқылы іске асырылады.

14. Аудандық жұмыспен қамту және әлеуметтік бағдарламалар бөлімдері әлеуметтік көмекті төлеуді жүзеге асыратын ұйымдардың бала кезінен мүгедектерге және он алты жасқа дейінгі мүгедек балаларға төленген әлеуметтік көмектің сомаларын тоқсан сайын тексеріп отыруды жүзеге асырады.

4. Қаржыландыру көздері

15. Әлеуметтік көмекті қаржыландыру көзі тиісті әкімшілік-аумақтық бірліктің жергілікті бюджеті болып табылады.