"Халықтың мақсатты топтарын жұмыссыздықтан әлеуметтік қорғау жөніндегі шаралар және оларды қаржыландыру ережелері туралы" 2005 жылғы 21-сәуірдегі № 1380 қаулыға өзгерістер енгізу туралы от 24.12.2007 г. № 100 ("Халықтың мақсатты топтарын жұмыссыздықтан әлеуметтік қорғау жөніндегі шаралар және оларды қаржыландыру ережелері туралы" 2005 жылғы 21-сәуірдегі № 1380 қаулыға өзгерістер енгізу туралы)

«Халықтың мақсатты топтарын жұмыссыздықтан әлеуметтік қорғау жөніндегі шаралар және оларды қаржыландыру ережелері туралы» 2005 жылғы 21-сәуірдегі № 1380 қаулыға өзгерістер енгізу туралы
Жұмысқа орналасуда қиындықтар көретін халықтың мақсатты топтарын әлеуметтік қорғау бойынша қосымша шаралар белгілеу мақсатында Қазақстан Республикасының «Қазақстан Республикасының Бюджет кодексі» кодексінің 53-бабына, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31- бабының 1-тармағының 13) тармақшасына, Қазақстан Республикасының «Халықты жұмыспен қамту туралы» Заңының 4, 5, 7, 9-баптарына, «Халықты жұмыспен қамту туралы» Қазақстан Республикасының 2001 жылғы 23 каңтардағы Заңын іске асыру жөніндегі шаралар туралы» Қазақстан Республикасы Үкіметінің 2001 жылғы 19 маусымдағы № 836 қаулысына сәйкес Зайсан ауданының әкімдігі ҚАУЛЫ ЕТЕДІ:

1. Халықтың мақсатты топтарын жұмыссыздықтан әлеуметтік қорғау жөніндегі шаралар және оларды қаржыландыру ережелері туралы Зайсан аудан әкімдігінің 2005 жылғы 21-сәуірдегі № 1380 қаулысына нормативтік құқықтық акті 5-11-1 нөмірмен тіркелген, 2005 жылғы 23-мамырда «Достық» газетінің № 21 санында жарияланды) мынадай өзгертулер енгізілсін:

1) аталған қаулының 1-қосымшасындағы 11, 14-тармақтардың,2-қосымшасындағы 10-тармақтың мәтінінде «Еңбек туралы» деген сөздер тиісінше «Қазақстан Республикасының Еңбек кодексі» деген сөздермен ауыстырылсын;
осы қаулының 1, 2 қосымшалардағы «контракт» деген сөздер алынып тасталсын;
1-тармақтың 2) тармақшасындағы «1,2 ең төменгі жалақы» деген сөздер тиісінше «1,5 ең төмеңгі жалақы» деген сөздермен ауыстырылсын;
аталған қаулының 2-қосымшасындағы 12-тармақтың мәтініңде «0,5- тен 1,0-ге дейін» деген сөздер тиісінше «0,8-ден 1,0-ге дейін» деген сөздермен ауыстырылсын;
аталған қаулының 3-қосымшасындағы:
12 тармақтың 1) тармақшасындағы мәтінінде «айына үш айлық есептік көрсеткіштен» деген сөздер тиісінше «айына алты айлық есептік көрсеткіштен» деген сөздермен ауыстырылсын;
12 тармақтың 2) тармақшасындағы мәтінінде «екі айлық есептік көрсеткіштен» деген сөздер тиісінше «алты айлық есептік көрсеткіштен» деген сөздермен ауыстырылсын;
12 тармақтың 3) тармақшасындағы мәтінінде «үш айлық есептік көрсеткіш» деген сөздер тиісінше «алты айлық есептік көрсеткіш» деген сөздермен ауыстырылсын.

2. Осы қаулының орындалуына бақылау жасау аудан әкімінің орынбасары Қ. Биқадамовқа жүктелсін.

3. Осы қаулы ресми жарияланған күнінен бастап қолданысқа енгізіледі.