«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6- бабына және «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңының 97-бабына сәйкес және аудандық Әділет басқармасының 2010 жылғы 23 шілдедегі ұсынысы негізінде аудандық мәслихат ШЕШІМ ЕТТІ:

1. «Аз қамтамасыз етілген азаматтарға тұрғын үй көмегін беру және телефон үшін абоненттік ақы тарифтерінің арттырылуына өтемақы төлеу Қағидасын бекіту туралы» 2006 жылғы 28 сәуірдегі №22-5-1 шешіміне (Нормативтік құқықтық актілерді мемлекеттік тіркеу тізілімінде № 6-11-31 болып тіркелген, 2006 жылғы 20 мамырдағы №41 «Шу өңірі» газетінде жарияланған) келесі өзгерістер енгізілсін:
Аталған Шешіммен бекітілген Аз қамтамасыз етілген азаматтарға тұрғын үй көмегін беру және телефон үшін абоненттік ақы тарифтерінің арттырылуына өтемақысы төлеу қағидасының 9, 22 тармақтары төмендегідей жаңа редакцияда мазмұндалсын:
«9. Тұрғын үй көмегін алу үшін азамат (отбасы) өтініш береді және Қазақстан Республикасы Үкіметінің 2009 жылғы 30 желтоқсандағы №2314 Қаулысымен бекітілген Тұрғын үй көмегін көрсету Ережесінің 4 тармағында көрсетілген құжаттарды ұсынады.»;
«22. Аз қамтамасыз етілген отбасыларға (азаматтарға) тұрғын үй көмегін төлеуді «Шу аудан әкімдігінің жұмыспен қамту және әлеуметтік бағдарламалар бөлімі» мемлекеттік мекемесі екінші деңгейдегі банктер арқылы жүзеге асырады.».