Об организации общественных работ на 2006 год Қолданыста

2006 жылы қоғамдық жұмыстарды ұйымдастыру туралы Қазақстан Республикасының «Халықты жұмыспен қамту туралы» Заңының 20-бабына сәйкес және Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31- бабының негізінде Арқалық қаласының әкімдігі ҚАУЛЫ ЕТЕДІ:

1. 2006 жылы жұмыссыздар үшін ұйымдастырылатын кәсіпорындардың тізбесі және қоғамдық жұмыстардың түрлері мен көлемі қосымшаға сәйкес бекітілсін.

2. Қосымша тізбеде көрсетілген кәсіпорындар басшылары «Арқалық қалалық жұмыспен қамту және әлеуметтік бағдарламалар бөлімі» мемлекеттік мекемесімен қоғамдық жұмыстарды орындауға арналған шарттарды жасасу үшін нақты жұмыс түрлерін есепке алсын.

3. Тұрғын үй-коммуналдық, жол шаруашылығы және көлік, денсаулық сақтау, білім, мәдениет бюджеттік бағдармалар әкімгерлері тізбеде белгіленген кәсіпорындар еңбек ақы төлеген және қызмет көрсеткен кезде қоғамдық жұмыстардың түрлері мен көлемін есепке алсын.

4. «Арқалық қалалық жұмыспен қамту және әлеуметтік бағдарламалар бөлімі» мемлекеттік мекемесі (М.Сүлейменова) қоғамдық жұмыстарға тартылған жұмыссыздардың еңбек ақысы ең төменгі жалақының мөлшерінде жергілікті бюджеттен төленетінін есте ұстасын.

5. Осы қаулы 2006 жылғы 1 қаңтардан күшіне енеді.

6. Осы қаулының орындалуын бақылау Арқалық қаласы әкімінің орынбасары А.Ж. Шамшинге жүктелсің.