Об организации и обеспечении проведения призыва граждан в Вооруженные Силы Республики Казахстан, другие воинские формирования Республики Казахстан в апреле-июне 2006 года Қолданыста

2006 жылдың сәуір-маусым айларында Қазақстан Республикасының Қарулы Күштеріне Қазақстан Республикасының басқа әскери құрылымдарына азаматтарды әскери қызметке шақыруды ұйымдастыру және өткізуді қамтамасыз ету туралы Қазақстан Республикасының 2005 жылғы 8 шілдедегі № 74-ІІІ «Әскери міндеттілік және әскери қызмет туралы» Заңына сәйкес, «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы № 148-ІІ Заңының 31 бабына, облыс әкімиятының 2006 жылғы 27 наурыздағы № 106 «2006 жылдың сәуір-маусым айларында Қазақстан Республикасының Қарулы Күштеріне, Қазақстан Республикасының басқа әскери құрылымдарына азаматтарды әскери қызметке шақыруды ұйымдастыру және өткізуді қамтамасыз ету туралы» қаулысына сәйкес аудан әкімияты ҚАУЛЫ ЕТЕДІ:

1. Әскери қызметке шақыру күніне 18 жасқа толған, әскери қызметке шақырылуын кейінге қалдыру құқығы жоқ, сол сияқты жасы үлкен ер жынысты азаматтарды әскери қызметке шақыру 2006 жылдың сәуір-маусым айларында іске асырылсын. Азаматтарды мерзімді әскери қызметке шақыру 2006 жылдың 30 маусым дейін өткізілсін.

2. Азаматтарды мерзімді әскери қызметке шақыру үшін 1-қосымшаға сәйкес шақыру комиссиясы құрылсын.

3. Меншік нысанына қарамастан мекемелер мен кәсіпорындардың, оку орындары мен ұжымдық мекемелердің басшылары, шақырушыларды қорғаныс істері жөніндегі бөлімге шақырып, осы шақырумен уақытылы келулерін қамтамасыз ету ұсынылсын, ауылдық округ әкімдері міндеттелсін. Шақыру комиссиясын жалғастыру кезінде әскерге шақырылушы оқудан және жұмыстан жалақысы (стипендиясы) сақталып босатылсын. Әскерге шақырылушыны іс-сапар, демалыстан шақырып алып, оларды құлақтандыруды ұйымдастырып, уақытында шақыру пунктіне жетуін қамтамасыз етсін.

4. Орталық аудандық аурухананың бас дәрігері (Бахонов Ә. К.):

1) әскерге шақырылушылардың денсаулығын анықтау үшін шақыру комиссиясынан өту кезіңінде қажетті санда дайындап мол дәрігер-мамандарды бөлсін;

2) дәрігер-мамандарды, антропометрия кабинетін орта буын медбикелермен қамтамасыз етсін;

3) 2006 жылғы 30 маусымға дейін күн сайын демалыс және мереке күндерінен басқа күндері емханада ең кем дегенде 50 әскери шақырылушының анализ тапсыруын, электрокардиограмма жасауын, қанның тобын, резус факторын анықтауын, флюрографиялық тексеріс өткізу қамтамасыз етсін;

4) қорғаныс істері жөніндегі бөлімге әскерге шақырылушылардың жеке амбулаториялық медициналық қағаздарын, нервті-психикалық туберкулез, терівенерология, жұкпалы трахома, ішкі органдардың сүйек, бұлшық ет, буындары ауыратындардың тізімін және тарихынан көшірмелер, дәрігерлер берген диспансерлік қорытындысы бар мәліметтерін тапсыру міндеттелсін;

5) стационарлық (амбулаториялық) тексеру мен емделуді талап ететін әскерге шақырылушылардың қай емдеу мекемесінде тіркелетінін аудандық қорғаныс істері жөніндегі бөлімнің бастығына мәлімдесін;

6) қорғаныс істері жөніндегі бөлімнің шақыру пунктін қажетті құрал-жабдықтармен, дәрі-дәрмектермен, шаруашылық мүліктермен қамтамасыз етсін;

7) стационарда емделіп жатқан әскерге шақырылу барлық азаматтар туралы мәліметті үш күн мерзім ішінде аудандық әскери қорғаныс істері жөніндегі бөлімге хабарлау ұсынылсын;

8) қорғаныс істері жөніндегі бөлім бастығының жол, келгені әскерге шақырушыларды стационарлық және амбулаторлық тексеруден өткізу үшін емдеу-алдын алу мекемелерінде қажетті орындар бөлсін.

5. Қарғалы аудандық әділет басқармасының бастығына (Қанкелді С. Е.) әскери міндеттілер мен шақырылушылардың әскери құжаттарында аудандық әскери қорғаныс істері жөніндегі бөлімнің әскери есепке алу немесе шығу белгісі болған жағдайда ғана тіркеу жүргізуі ұсынылсын.

6. Қарғалы ауданы ішкі істер бөлімінің бастығына (Тоқабаев С. Р.):

1) әскери қорғаныс істері жөніндегі бөлімнің тапсырысы шақыру пункттері жұмыс істеп тұрған кезде тәртіпті сақтау мақсатында құрамында 2 адамнан полиция жасағын бөлу, әскери міндеттілерді облыстық шақыру пунктіне апарып, алып қайтқанда тәртіпті қадағалауға 1 адам бөлу;

2) әскери қорғаныс істері жөніндегі бөлім бастығының әскери жасына дейінгі азаматтарды әскери есепке алуға, азаматтарды әскери шақыруды жүргізу, олардың әскери есептің ережелерін орындауды бақылаун іске асыру және әскерге шақырушылар мен әскери міндеттілер арасынан осы ережелерді бұзушыларды анықтауға жәрдем ету;

3) Қазақстан Республикасының 2005 жылғы 8 шілдеде № 74 «Әскери міндеттілік және әскери қызмет туралы» Заңын орындаудан бас тартқандарды іздестіру және ұстау жұмыстарын жүргізу;

4) әскери қорғаныс істері жөніндегі бөлімнің сұрауы бойынша 1978-1987 жылы туған шақырылушылардың тізімін беру;

5) жеті күн мерзімі ішінде үстінен алдын ала жауап алынып, тергеу жүргізіліп жатқан шақырылушылар туралы хабарды қорғаныс істері жөніндегі бөлімге беру ұсынылсын.

7. Аудандық жұмыспен қамту және әлеуметтік бағдарламалар бөлімінің бастығы (Берденова Ұ. А.) жеті күн мерзімі ішінде қорғаныс істері жөніндегі бөлімнің бастығына заңды түрде мүгедек деп танылған әскери міндеттілер мен шақырылушылар тізімін хабарласын.

8. Аудандық қаржы бөлімінің бастығы (Қасымова Ш. Ә.) азаматтарды кезекті мерзімді әскери қызметке шақыруға байланысты шығындарды жергілікті бюджет есебінен жүргізсін.

9. Қарғалы ауданының Қорғаныс істері жөніндегі бөлімінің бастығына (Құмаров А. М.) 2006 жылдың 25 маусымына дейін осы қаулының орындалуы туралы ақпарат беру ұсынылсын.

10. Шақыру кезінде комиссиясының мүшелерінің, дәрігерлік, техникалық қызметкерлердің, сол сияқты қызмет ететін қызметкерлердің шақыру пункттерінде қызмет еткен уақыттарында жұмыс орны, лауазымы, орташа жалақысы сақталады.

11. Осы қаулының орындалуын бақылау аудан әкімінің орынбасары А. Қ. Сүйсеновке жүктелсін.

Аудан әкімдігінің 2006 жылғы 3 сәуірдегі № 83 қаулысына № 1 қосымша Шақыру комиссиясының құрамы

1. Құмаров А. М. – Комиссия төрағасы, Қарғалы аудандық қорғаныс істер бөлімінің бастығы

2. Сүйсенов А. Қ. – Комиссия төрағасының орынбасары, Аудан әкімінің орынбасары Комиссия мүшелері:

3. Бахонов Ә. К. – медициналық комиссияның төрағасы, бас дәрігер

4. Тоқабаев С. Р. – аудандық ішкі істер бөлімінің бастығы

5. Берденова Ұ. А.– медициналық комиссияның хатшысы