Об определении целевых групп населения и мер по содействию их занятости и социальной защите в 2006 году Қолданыста

Халықтың нысаналы топтарын және 2006 жылы олардың жұмыспен қамтылуы мен әлеуметтік қорғалуына жәрдемдесу жөніндегі шараларды анықтау туралы «Халықты жұмыспен қамту туралы» Қазақстан Республикасының 2001 жылғы 23 қаңтардағы № 149 Заңының 5, 7 баптарына, «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы № 148-ІІ Заңының 31 бабына сәйкес, Ұзынкөл ауданының әкімдігі ҚАУЛЫ ЕТЕДІ:

1. Келесі санаттағы халықтың нысаналы топтары анықталсын:

1) табысы аз адамдар;

2) жиырма бір жасқа дейінгі жастар;

3) балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар;

4) кәмелетке толмаған балаларды тәрбиелеп отырған жалғызілікті, көп балалы ата-аналар;

5) Қазақстан Республикасының заңдарында белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдар бар азаматтар;

6) зейнеткерлік жас алдындағы адамдар (жасына байланысты зейнеткерлікке шығуға екі жыл қалған);

7) мүгедектер;

8) Қазақстан Республикасының Қарулы Күштері қатарынан босаған адамдар;

9) бас бостандығынан айыру және (немесе) мәжбүрлеп емдеу орындарынан босатылған адамдар;

2. «Ұзынкөл ауданының еңбекпен қамту және әлеуметтік бағдарламалар бөлімі» мемлекеттік мекемесі (Е.С. Құдабаев):

1) халықтың нысаналы тобына жататын тұлғалардың уақытша жұмыспен қамтылуын және кәсіптік дайындығын анықтау жөніндегі шараларды қолдансын;

2) халықтың нысаналы тобына жататын тұлғаларды жұмысқа орналастыруға жәрдемдесуді қамтамсыз ететін;

3) халықтың нысаналы тобына жататын тұлғаларды жұмысқа орналастыруға бақылау жасауды жүзеге асырсын.

3. «Халықтың нысаналы тобын және 2005 жылы олардың жұмыспен қамтылуы мен әлеуметтік қорғалуына жәрдемдесу жөніндегі шараларды анықтау туралы», (мемлекеттік тіркеу нөмірі 3449, 2005 жылғы 21 сәуірдегі № 16 «Ақ-жол») Ұзынкөл ауданы әкімдігінің 2005 жылғы 1 сәуірдегі № 65 қаулысының күші жойылды деп есептелсін.

4. Осы қаулының орындалуын бақылау аудан әкімінің орынбасары М.В. Слесарьға жүктелсін.