Об установлении квоты рабочих мест для инвалидов на 2006 год Қолданыста

Мүгедектер үшін 2006 жылға жұмыс орындарына квота белгілеу туралы Қазақстан Республикасының "Қазақстан Ресупбликасындағы жергілікті мемлекеттік басқару туралы" Заңының 31 бап 1 тармақ 13 тармақшасына, "Халықты жұмыспен қамту туралы" Заңының 7 бап 5-2 тармағына, "Қазақстан Республикасындағы мүгедектерді әлеуметтік қорғау туралы" Заңының 31 бап 1 тармағына сәйкес, мүгедектерді жұмысқа орналастыруға ықпал ету және жұмысқа орналастыруда оларға қосымша кепілдіктер беруді қамтамасыз ету мақсатында, Екібастұз қаласының әкімдігі ҚАУЛЫ ЕТЕДІ:

1. Меншік түріне қарамастан Екібастұз өңірінің кәсіпорындары мен ұйымдарында жұмыс орындарының жалпы санындағы үш пайыз мөлшерінде 2006 жылы мүгедектер үшін жұмыс орындарының квотасы белгіленсін.

2. "Екібастұз қаласы әкімдігінің жұмыспен қамту және әлеуметтік бағдарламалар бөлімі" мемлекеттік мекемесі (Е.Г.Асташова):

1) мүгедектерді квотталған жұмыс орындарында жұмысқа орналастыруға ықпал етсін;

2) белгіленген квота шегінде жұмыс орындарын толтыруға бақылау жасасын. З. Осы қаулының орындалуын бақылау Екібастұз қаласы әкімінің орынбасары Ғ.Ш.Балтабековаға жүктелсін.