Об определении целевых групп населения города Усть-Каменогорска на 2007 год Күшін жойған

2007 жылға Өскемен қаласы тұрғындарының мақсатты топтарын анықтау туралы Халықты жұмыспен қамту саясатын жүзеге асыру мақсатында, Қазақстан Республикасының "Қазақстан Республикасындағы жергілікті мемлекеттік басқару туралы" Заңының 31-бабының 1-тармағының 13), 14) тармақшаларына, Қазақстан Республикасының "Халықты жұмыспен қамту туралы" Заңының 5 бабына, 7 бабының 2) тармақшасына сәйкес, Өскемен қаласының әкімдігі ҚАУЛЫ ЕТЕДІ:

1. 2007 жылға Өскемен қаласы бойынша тұрғындардың келесі мақсатты топтары анықталсын:

1) жасы жиырма бір жасқа дейінгі жастар;

2) балалар үйінің тәрбиеленушілері, жетім балалар және ата-анасының қамқорынсыз қалған жиырма үш жасқа дейінгі балалар;

3) кәмелеттік жасқа толмаған балаларды тәрбиелеуші, көп балалы, жалғыз басты ата-аналар;

4) Қазақстан Республикасының заңнамасынмен бекітілген тәртіппен, үнемі күтімді, көмекті және қадағалауды қажет етеді деп танылған адамдарды күтіп ұстайтын азаматтар;

5) елу жастан асқан азаматтар;

6) мүгедектер;

7) Қазақстан Республикасының Қарулы Күштері қатарынан босатылған адамдар;

8) бас бостандығынан айыру орындарынан және (немесе) лажсыз емделуден босатылған адамдар;

9) оралмандар;

10) аз қамтылғандар;

11) ағымдағы жылы оқуды аяқтаған оқу орындарының жиырма сегіз жасқа дейінгі түлектері.

2. Осы қаулы 2007 жылдың 1 қаңтарынан бастап қолданысқа енеді.