Жангелдин ауданының 2007 жылға арналған аудандық бюджеті туралы Қолданыста

Жангелдин ауданының 2007 жылға арналған аудандық бюджеті туралы Жангелдин ауданы әкімдігінің қаулысын қарап, Қазақстай Республикасының "Қазақстан Республикасындағы жергілікті мемлекеттік басқару туралы" Заңының 6-бабы 1-тармағы 1) тармақшасына сәйкес Жангелдин аудандық мәслихатының кезекті он бесінші сессиясы ШЕШТІ:

1. 2007 жылға арналған Жангелдин ауданының бюджеті 1-қосымшаға сәйкес бекітілсін:

1) кірістер - 618 438 мың теңге; түсімдер бойынша - 84 020 мың теңге, оның ішінде: салықтық түсімдер - 83 382 мың теңге; салықтан тыс түсімдер - 430 мың тенге; негізгі капиталды сатудан түсетін түсімдер - 208 мың теңге; ағымдағы нысаналы трансферттер - 123 886 мың теңге; субвенция - 410 532 мың теңге;

2) шығындар - 618 438 мың теңге.

2. 18 жасқа дейінгі балаларға мемлекеттік көмекке - 40577 мың теңге қаралып, оның ішінде 38380 мың теңге республикалық трансферттер есебінен, 2197 мың теңге жергілікті бюджет есебінен бекітілсін.

3. 2007 жылға ағымдағы нысаналы трансферттер облыстық бюджеттін есебінен жалақынын өсуіне - 67922 мың теңге қаралып бекітілсін.

4. 2007 жылға ағымдағы нысаналы трансферттер облыстық бюджеттің есебінен автомобиль жолдарының ағымдағы жөндеу жұмыстарын қамтамасыз етуге - 17854 мың теңге көлемінде бекітілсін.

5. 2007 жылға ауданға бөлінген субвенция есебінен: - білім беру ұйымдарына күрделі жөндеуге және материалдық-техникалық базаны нығайтуға - 19377 мың теңге; - сумен жабдықтау жүйесін дамытуға - 977 мың теңге; - аудандық маңызы бар қалаларда, кенттерде, ауылдарда (селоларда), ауылдық (селолық) округтерде автомобиль жолдарының жұмыс істеуін қамтамасыз етуге - 10289 мың теңге қаржы бөлінсін.

6. Табиғи және техногендік сипаттағы төтенше жағдайларды жою үшін ауданның жергілікті атқарушы органының төтенше резерві - 742 мың теңге көлемінде бекітілсін.

7. 2007 жылға бюджетті орындау процесінде секвестрлеуге жатпайтын бюджеттік бағдарламалар 2-қосымшаға сәйкес бекітілсін.

8. Жангелдин ауданының бюджеті есебінен қаржыландыратын мемлекеттік мекемелер тізбесі 3-қосымшаға сәйкес бекітілсін.

9. Жангелдин ауданының село (ауыл) әкімдері аппараттарына 2007 жылға арналған бюджет көлемі 4-қосымшаға сәйкес бекітілсін.

10. Жергілікті бюджеттік инвестициялардың техникалық-экономикалық негіздемелерін әзірлеу және оларға сараптамалар жасау үшін - 800 мың теңге қаралып, 5-қосымшаға сәйкес бекітілсін.

11. Осы шешім 2007 жылдың 1 қаңтарынан бастап қолданысқа енгізіледі.