О районном бюджете Камыстинского района на 2007 год Қолданыста

Қамысты ауданының 2007 жылға арналған аудандық бюджеті туралы Қамысты ауданы әкімдігінің 2006 жылғы 9 қарашадағы № 282 "Қамысты ауданының 2007 жылға арналған аудандық бюджеті туралы" Қамысты аудандық мәслихатының қарауына енгізу туралы" қаулысын қарап, сондай-ақ Қазақстан Республикасының "Қазақстан Республикасындағы жергілікті мемлекеттік басқару туралы" Заңының 6-бабы 1-тармағының 1) тармақшасына сәйкес Қамысты аудандық мәслихаты ШЕШТІ:

1. 2007 жылға арналған аудандық бюджет 1 қосымшаға сәйкес мынадай көлемдерде бекітілсін:

1) кірістер - 555284 мың теңге, оның ішінде: салықтық түсімдер бойынша- 246867 мың теңге; салықтан тыс түсімдер - 490 мың теңге; негізгі капиталды сатудан түсетін түсімдер - 2000 мың теңге; алынған трансферттер бойынша - 305927 мың теңге;

2) шығындар - 555284 мың теңге.

2. Аудандық бюджетке облыстық бюджеттен берілетін субвенциялар көлемі 261210 мың теңге сомасында 2007 жылға арналған аудандық бюджетте бекітілсін.

3. 2007 жылға арналған аудандық бюджетте облыстық бюджеттен ағымдағы нысаналы трансферттер бекітілсін: аз қамтылған отбасылардың 18 жасқа дейінгі балаларына мемлекеттік жәрдемақы төлеуге 4012 мың теңге сомасында; мемлекеттік қызметшілерге, мемлекеттік мекемелердің мемлекеттік кызметші болып табылмайтын қызметкерлеріне, қазыналық кәсіпорындар қызметкерлеріне жалақы төлеуге 31875 мың теңге сомасында; автомобиль жолдарының жұмыс істеуін қамтамасыз етуге 8830 мың теңге сомасында.

4. Қамысты ауданы әкімдігінің 2007 жылға арналған резерві 150 мың теңге сомасында бекітілсін, оның ішінде: табиғи және техногендік сипаттағы төтенше жағдайларды жою үшін 150 мың теңге сомасында.

5. 2007 жылға арналған аудан бюджетінін шығындарында "Бастауыш, негізгі және орта мектептер, балабақша-мектептер" кіші бағдарламасы бойынша ағымдағы ұстауға арналған шығыстардың 1 пайызынан кем емес мөлшерінде жалпы міндетті орта білім корының шығындары бекітілсін.

6. 2007 жылға арналған аудан бюджетінің шығындарында ауылдык (селолық) жерде жұмыс істейтін әлеуметтік камтамасыз ету, білім беру, мәдениет және спорт салаларының мамандарына еңбекақылары мен бағамдык ставкалары 25 пайызға көтерілгені бекітілсін.

7. 2007 жылға арналған аудандық бюджеттің бюджеттік инвестициялык жобаларды (бағдарламаларды) іске асыруға және заңды тұлғалардың жарғылық капиталын қалыптастыруға немесе ұлғайтуға бағытталған бюджеттік бағдарламаларға бөлінген бюджеттік даму бағдарламаларының тізбесі 2 қосымшаға сәйкес бекітілсін.

8. 2007 жылға арналған аудандық бюджетті атқару процесінде секвестрлеуге жатпайтын бюджеттік бағдарламалардың тізбесі 3 қосымшаға сәйкес бекітілсін.

9. Осы шешім 2007 жылғы 1 қаңтардан бастап қолданысқа енгізіледі.