2007 жылға арналған Бөрлі ауданы аумағындағы ойын бизнесті объектілеріне бірыңғай акциз ставкасын белгілеу туралы Күшін жойған

2007 жылға арналған Бөрлі ауданы аумағындағы ойын бизнесті объектілеріне бірыңғай акциз ставкасын белгілеу туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабына және Қазақстан Республикасының «Салық және бюджетке төленетін басқа да міндетті төлемдер туралы (Салық кодексі)» Кодексініқ 258 бабына сәйкес, Бөрлі аудандық салық комитетінің ойын бизнесті объектілеріне біріңғай акциз ставкасын белгілеу туралы ұсынысын негізге ала отырып, Бөрлі аудандық мәслихаты ШЕШІМ ЕТТІ:

1. 2007 жылға арналған ойын бизнесі объектілерінің аумағында қызметтерін жүзеге асыратын салық төлеушілер үшін бірыңғай акциз ставкасы келесі мөлшерде белгіленсін:

1) ойын мекемесі тарап ретінде, өз өкілдері арқылы қатынасатын құмар ойындарды өткізуге арналған ойын үстеліне жылдық есеппен 360 айлық есептік көрсеткіш көлемінде, бір жылға сомасы – 393120 теңге;

2) ақшалай ұтысы бар ойын автоматына жылдық есеппен 25 айлық есептік көрсеткіш көлемінде, бір жылға сомасы – 27300 теңге;

3) букмекер конторасының бір кассасына жылдық есеппен 60 айлық есептік көрсеткіш көлемінде, бір жылға сомасы – 65520 теңге.

2. Осы шешім қолданылып жүрген заңдарға сәйкес күшіне енеді.