2007 жылға арналған аудандық бюджет туралы Қолданыста

2007 жылға арналған аудандық бюджет туралы «Қазақстан Республикасындағы жергілікті мемлекетік басқару туралы» Қазақстан Республикасы Заңының 6-бабына, Қазақстан Республикасы Бюджет Кодексінің 80, 85-баптарына және аудан әкімдігінің ұсынысына сәйкес Мақтаарал аудандық мәслихаты ШЕШТІ:

1. Мақтаарал ауданының 2007 жылға арналған бюджеті №1 қосымшаға сәйкес мынадай көлемде бекітілсін:

1)кірістер - 4760035 мың теңге; салық түсімдері - 852846 мың теңге; салықтық емес түсімдер - 5681 мың теңге; негізгі капиталдарды сатудан түсетін түсімдер - 91473 мың теңге; ресми трансферттерден түсетін түсімдер - 3810035 мың теңге.

2)шығындар - 4673189 мың теңге.

3)операциялық сальдо - 86846 мың теңге.

4)таза бюджеттік кредит беру - 1617 мың теңге; бюджеттік кредиттерді өтеу - 1617 мың теңге.

5)бюджет тапшылығы (профициті) - 88463 мың теңге; бюджет тапшылығын қаржыландыру (профицитін пайдалану) - 88463 мың теңге; қарыздарды өтеу - 88463 мың теңге.

2. Ауданның жергілікті атқарушы органының 2007 жылға арналған шұғыл шараларға арналған резерві 10662 мың теңге, табиғи және техногенді сипаттағы төтенше жағдайларды жоюға арналған төтенше резерві 12000 мың теңге сомасында белгіленсін.

3. 2005 жылғы 8 шілдедегі «Агроөнеркәсіп кешенді және ауылдық аймақтарды дамытуды мемлекеттік реттеу туралы» Қазақстан Республикасы Заңының 18-бабына сәйкес 2007 жылға аудандық бюджеттен қаржыландырылатын ауылды жерлерде жұмыс істейтін әлеуметтік қамсыздандыру, білім беру, мәдениет және спорт ұйымдарының мамандарына қала жағдайында осы қызмет түрлерімен айналысатын мамандардың ставкаларымен салыстырғанда айлықтары мен тарифтік ставкаларының 25 пайызы мөлшерінде үстеме ақы төлеу үшін қаржы қарастырылсын.

4. 2007 жылға арналған аудандық бюджеттің ағымдағы бюджеттік бағдарламаларының тізбесі №2 қосымшаға сәйкес бекітілсін.

5. 2007 жылға арналған аудандық бюджеттің бюджеттік даму бағдарламаларының тізбесі №3 қосымшаға сәйкес бекітілсін.

6. 2007 жылға арналған аудандық бюджеттің атқарылуы процесінде секвестрлеуге жатпайтын жергілікті бюджеттік бағдарламалардың тізбесі №4 қосымшаға сәйкес бекітілсін.

7. 2007 жылға арналған аудандық бюджеттің бюджеттік бағдарламаларына әкімшілік етушілердің тізбесі №5 қосымшаға сәйкес бекітілсін.

8. Осы шешім Мақтаарал ауданының Әділет басқармасында мемлекеттік тіркеуден өткен күннен бастап қолданысқа енгізіледі.