Об утверждении перечня целевых групп населения в Аулиекольском районе на 2007 год Күшін жойған

Әулиекөл ауданында 2007 жылға тұрғындардың нысаналы топтарының тізбесін бекіту туралы Қазақстан Республикасының 2001 жылғы 23 қаңтардағы № 149 «Халықты жұмыспен қамту туралы» Заңының 5, 7 бабына сәйкес, Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңының 31-бабының 1-тармағының 13-тармақшасын басшылыққа ала отырып, Әулиекөл ауданының әкімдігі ҚАУЛЫ ЕТЕДІ:

1. Жұмыспен қамтуға ықпал жасау үшін нысаналы топтарға енетін тұрғындардың тізбесі қосымшаға сәйкес бекітілсін.

2. «Әулиекөл ауданының жұмыспен қамту және әлеуметтік бағдарламалар бөлімі» мемлекеттік мекемесінің бастығы (Харахорина Е.О. - келісім бойынша) тұрғындардың нысаналы топтарына енетін адамдарды жұмыспен қамтуға ықпал жасау үшін шараларды қамтамасыз етсін.

3. Әулиекол ауданының әкімдігінің 2006 жылғы 9 қаңтардағы № 13 «Әулиекөл ауданында 2006 жылға тұрғындардың нысаналы топтарының тізбесін бекіту туралы» (тіркеу № 9-7-26, «Әулиекөл» газетінің 2006 жылғы 9 ақпандағы № 6 жарияланған) қаулысының күші жойылды деп есептелсін.

4. Осы қаулының орындалуын бақылау аудан әкімінің орынбасары Нұғманова Роза Сыздыққызына жүктелсін.

5. Осы қаулы ресми жарияланғаннан кейін 10 күнтізбелік күн өткен соң қолданысқа енгізіледі.

Әкімдіктің 2007 жылғы 18 қаңтардағы № 9 қаулысына қосымша Жұмыспен қамтуға ықпал жасау үшін нысаналы топтарға енетін адамдардың тізбесі

1. Аз қамтамасыз етілген.

2. Жиырма бір жасқа дейінгі жастар.

3. Балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар.

4. Кәмелетке толмаған балаларды тәрбиелеп отырған жалғызілікті, көпбалалы ата-аналар.

5. Қазақстан Республикасының Заңдарында белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдар бар азаматтар.

6. Зейнеткерлік жас алдындағы адамдар (жасына байланысты зейнеткерлікке шығуына екі жыл қалған).

7. Мүгедектер.

8. Қазақстан Қарулы Күштерінің қатарынан босаған адамдар.

9. Бас бостандығынан айрылу және (немесе) мәжбүрлеп емдеу орындарынан босатылған адамдар.

10. Оралмандар.

11. Бастауыш, орта және жоғары кәсіби білім мекемелерінің түлектері.