Об определении целевых групп населения и мер по содействию их занятости в Щучинском районе в 2007 году Қолданыста

2007 жылы Щучье ауданында тұрғындардың мақсатты топтарын және олардың жұмыспен қамтылуына жәрдемдесу бойынша шараларды белгілеу туралы Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңының 31 бабының 1 тармағының 13 тармақшасына, Қазақстан Республикасының 2001 жылғы 23 каңтардағы № 149 «Халықты жұмыспен қамту туралы» Заңының 5, 7 баптарына, Қазақстан Республикасының 1998 жылғы 24 наурызындағы № 213 «Нормативтік құқықтық актілер туралы» Заңының 27 бабының 1 тармағына сәйкес, мақсатты топтардың құрамына кіретін және әлеуметтік қорғауға аса мұқтаж азаматтардың жұмыспен қамтылуына жәрдем көрсету мақсатында аудан әкімдігі ҚАУЛЫ ЕТЕДІ:

1. Қазақстан Республикасының 2001 жылғы 23 қаңтардағы № 149 «Халықты жұмыспен қамту туралы» Заңының 5 бабына сәйкес, мақсатты топтарға жататын адамдардың тізімі басшылыққа алынылсын.

2. Мақсатты топтарға кіретін адамдардың қосымша тізімі белгіленсін:

1) ұзақ уақыт бойы жұмыс істемеген азаматтардың (1 жылдан астам);

2) жиырма төрт жасқа дейінгі жастардың.

3. «Щучье ауданының жұмыспен қамту және әлеуметтік бағдарламалар бөлімі» мемлекеттік мекемесі (Қ.Ж. Әшімянов) тұрғандардың мақсатты топтары қатарының жұмыссыздары жұмысқа орналастырылатын кәсіпорындардың, ұйымдар мен мекемелердің тізбесін (олардың басшыларының келісімі бойынша) белгілесін.

4. Щучье ауданының әкімдігінің 2006 жылғы 3 ақпандағы № а-2/70 «2006 жылы Щучье ауданында халықтың мақсатты топтарын және олардың жұмыспен қамтылуына жәрдемдесу бойынша шараларды анықтау туралы» қаулысы (Щучье ауданының әділет басқармасында 2006 жылғы 10 ақпанда 1- 19-70 нөмірмен тіркелген, 2006 жылғы 23 ақпанда аудандық «Бурабай» газетінің 8 нөмірінде, «Луч» газетінің 16 нөмірінде жарияланған) күшін жойды деп танылсын.

5. Осы қаулы Щучье ауданының әділет басқармасында мемлекеттік тіркелген күннен күшіне енеді және ресми жарияланған күннен бастап колданысқа енгізіледі.

6. Осы қаулының орындалуын бақылау аудан әкімінің орынбасары Т.Қ.Алтаеваға жүктелсін.