2007 жылы халықтың нысаналы топтарын анықтауға, оларды жұмыспен қамтуға және әлеуметтік қорғауға жәрдемдесу шаралары туралы Күшін жойған

2007 жылы халықтың нысаналы топтарын анықтауға, оларды жұмыспен қамтуға және әлеуметтік қорғауға жәрдемдесу шаралары туралы Қазақстан Республикасының "Халықты жұмыспен қамту туралы" Заңының 5-бабының 2-тармағына және 7-бабының 2) тармақшасына, "Қазақстан Республикасындағы жергілікті мемлекеттік басқару туралы" Заңның 31-бабы 1-тармағының 13, 14) тармақшаларына сәйкес, халықтың нысаналы топтарының жұмыспен қамтылуына жәрдемдесу мақсатында Науырзым ауданының әкімдігі ҚАУЛЫ ЕТЕДІ:

1. Халықтың нысаналы топтарына мынадай санаттағылар жатады деп белгіленсін:

1) табысы аз адамдар;

2) жиырма бір жасқа дейінгі жастар;

3) балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар;

4) кәмелетке толмаған балаларды тәрбиелеп отырған жалғызілікті, көп балалы ата-аналар;

5) Қазақстан Республикасының заңнамасымен белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдар бар азаматтар;

6) зейнеткерлік жас алдындағы адамдар (жасына байланысты зейнеткерлікке шығуға екі жыл қалған);

7) мүгедектер;

8) Қазақстан Республикасының Қар улы Күштерінің қатарынан босаған адамдар;

9) бас бостандығынан айыру және (немесе) мәжбүрлеп емдеу орындарынан босатылған адамдар;

10) оралмандар;

11) ұзақ мерзім бойы жұмыссыз адам бар (бір жыл және одан ұзақ);

12) елу жастан асқан адамдар;

13) жалпы білім беру және кәсіби мектептердің, орта арнаулы және жоғары оқу орындарының түлектері.

2. Ауданның селолары мен селолық округтерінің әкімдері халықтың нысаналы топтарына жататын адамдарды тұмысқа орналастыруды қамтамасыз ету жөнінде шаралар қабылдасын.

3. "Науырзым ауданы әкімиятының жұмыспен қамту және әлеуметтік бағдарламалар бөлімі" мемлекеттік мекемесі (келісім бойынша):

1) халықтың нысаналы топтарына жататын адамдарды уақытша жұмыспен қамту және кәсіби даярлау жөнінде шаралар қабылдасын;

2) халықтың нысаналы топтарына жататын адамдардың жұмысқа орналасуына жәрдемдессін.

4. Аудан әкімдігінің «2006 жылғы халықтың нысаналы топтарын анықтауға, оларды жұмыспен қамтуға және әлеуметтік қорғауға жәрдемдесу шаралары туралы» 2006 жылғы 15 наурыздағы № 72 қаулысының (мемлекеттік тіркеу нөмірі 9-16-30, № 11 "Науырзым" аудандық газетінде 2006 жылғы 9 мамырда жарияланған) күші жойылды деп танылсын.

5. Осы қаулы ресми жарияланғаннан кейін он күнтізбелік күн өткен соң қолданысқа енгізіледі.

6. Осы қаулының орындалуына бақылау жасау аудан әкімінің орынбасары Б.А. Шаяхметовке жүктелсін.