Об организации общественных работ на 2007 год Қолданыста

2007 жылы қоғамдық жұмыстарды ұйымдастыру туралы Қазақстан Республикасының “Халықты жұмыспен қамту туралы” Заңының 20-бабына сәйкес және Қазақстан Республикасының “Қазақстан Республикасындағы жергілікті мемлекеттік басқару туралы” Заңының 31-бабының негізінде Арқалық қаласының әкімдігі ҚАУЛЫ ЕТЕДІ:

1. 2007 жылы жұмыссыздар үшін ұйымдастырылатын кәсіпорындардың тізімі, қоғамдық жұмыстардың түрлері мен көлемі қосымшаға сәйкес бекітілсін.

2. Қосымша тізбеде көрсетілген кәсіпорындар басшылары “Арқалық қалалық жұмыспен қамту және әлеуметтік бағдарламалар бөлімі” мемлекеттік мекемесімен қоғамдық жұмыстарды орындауға арналған шарттарды жасасу мен нақты жұмыс түрлерін есепке алсын.

3. Тұрғын үй-коммуналдық, жол шаруашылығы және көлік, денсаулық сақтау, білім, мәдениет бюджеттік бағдармалар әкімгерлері тізбеде белгіленген кәсіпорындар еңбекақы төлеген және қызмет көрсеткен кезде қоғамдық жұмыстардың түрлері мен көлемін есепке алсын.

4. «Аркалық қалалық жұмыспен қамту және әлеуметтік бағдарламалар бөлімі» мемлекеттік мекемесі (М. Сүлейменова) қоғамдық жұмыстарға арналған жұмыссыздардың еңбекақысы ең төменгі жалақының мөлшерінде жергілікті бюджеттен төленетінін есте ұстасын.

5. 2005 жылғы 26 желтоқсандағы № 632 «2006 жылы қоғамдык жұмыстарды ұйымдастыру туралы» (мемлекеттік тіркеу нөмірі 9-3-24), «Арқалық хабары» газетінің «2006 жылғы 17 ақпандағы 6 (80) нөмірінде жарияланған, 2006 жылғы 10 мамырдағы № 253 «2005 жылғы 26 желтоқсандағы № 632 «2006 жылы қоғамдық жұмыстарды ұйымдастыру туралы» қаулысына өзгеріс енгізу туралы» мемлекеттік тіркеу нөмірі 9-3-36), 2006 жылғы 12 маусымдағы № 308 «2005 жылғы 26 желтоқсандағы № 632 жылы қоғамдық жұмыстарды ұйымдастыру туралы» қаулысына өзгерістер мен толықтырулар енгізу туралы» (мемлекеттік тіркеу нөмірі 9-3-37), «Арқалық хабары» газетінің 2006 жылғы 7 шілдедегі 26 (10) нөмірінде жарияланған қаулыларының күші жойылған деп танылсын.

6. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

7. Осы қаулының орындалуын бақылау Арқалық қаласы әкімінің орынбасары Р.С. Жақыповаға жүктелсін.

Қостанай облысы Арқалық қаласы әкімдігінің 2007 жылғы 19 қантардағы № 64 қаулысына қосымша