Об определении целевых групп населения и мер по их социальной защите от безработицы в 2007 году Қолданыста

Халықтың нысаналы топтарын анықтау және 2007 жылы оларды жұмыссыздықтан әлеуметтік қорғау жөніндегі шаралар туралы «Жұмыспен қамту туралы» Қазақстан Республикасының 2001 жылғы 23 қаңтардағы № 149-II Заңыңың 5-бабы 2-тармағы және 7-бабы 2, 6-тармақтары, 18-1-бабы 3-тармағының 1-тармақшасы, Шығыс Қазақстан облысының жұмыспен қамту және әлеуметтік бағдарламаларды үйлестіру Департаментінің 2005 жылғы 11 қарашадағы № 06-2548 ұсыныстары негізінде, қала әкімдігі ҚАУЛЫ ЕТЕДІ:

1. Семей өңірі аумағында тұратын нысаналы топтар белгіленсін, оларға мыналар кіреді:

1) табысы аз адамдар;

2) жиырма бір жасқа дейінгі жастар;

3) балалар үйінің тәрбиеленушілері, жетім балалар және ата-ананың қамқорлығынсыз қалған жиырма үш жасқа дейінгі балалар;

4) кәмелетке толмаған балаларды тәрбиелеп отырған жазғызілікті, көп балалы ата-аналар;

5) Қазақстан Республикасының заңдарында белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдары бар азаматтар;

6) зейнеткерлік жас алдындағы адамдар (жасына байланысты зейнеткерлікке шығуға екі жыл қалған);

7) мүгедектер;

8) Қазақстан Реепубликасының Қарулы Күштері қатарынан босаған адамдар;

9) бас бостандығынан айыру және (немесе) мәжбүрлеп емдеу орындарынан босатылған адамдар;

10) оралмандар;

11) есірткіге тәуелді және ВИЧ-инфекциясын жұқтырған азаматтар жатады.

2. «Жүмыспен қамту және әлеуметтік бағдарламалар бөлімі» мемлекеттік мекемесі жұмыссыздықтан әлеуметтік қорғау жөніндегі шараларды:

1) жұмысқа орналастыру;

2) кәсіптік оқуға жіберу;

3) ақылы қоғамдық жұмыстарға тарту;

4) жастар тәжірибесіне қатыстыру;

5) әлеуметтік жұмыс орындарына орналастыру шараларын қолданған кезде халықтың нысаналы топтарына басымдық берсін.

3. Әкімдіктің осы қаулысының атқарылуын бақылау «Жұмыспен қамту және әлеуметтік бағдарламалар бөлімі мемлекеттік мекемесіне жүктелсін.

4. Осы қаулы жариялған күннен бастап заңды күшіне енеді. «Семей қаласының жұмыспен қамту және әлеуметтік бағдарламалар бөлімі" ММ Қ.Жұмабай Келісілді: Әкімнің орынбасары Т. Мүсәпірбеков Қала әкімі аппаратының басшысы Е.Майкенов