О дополнительных мерах по социальной защите в сфере занятости граждан из целевых групп населения на 2007 год Қолданыста

Халықтың нысаналы тобындағы азаматтарды жұмыспен қамту саласында әлеуметтік қорғау бойынша 2007 жылға арналған қосымша шаралар туралы Қазақстан Республикасының "Қазақстан Республикасындағы жергілікті мемлекеттік басқару туралы" Заңына, Қазақстан Республикасының "Халықты жұмыспен қамту туралы" Заңының 5,7, 18-1 баптарына сәйкес, халықтың нысаналы топтарынан жұмыссыздарды жұмысқа орналастыру үшін, Екібастұз қаласының әкімдігі ҚАУЛЫ ЕТЕДІ:

1. Нысаналы топтарға жататын тұлғалардың мынадай қосымша тізбесі белгіленсін:

1) жиырма бір жастан жиырма төрт жас аралығындағы, соның ішінде бастауыш, орта және жоғары кәсіби білім беру оқу орындарын бітірген және жұмыс өтілі жоқ жастар;

2) әйелдер үшін 50 жастан жоғары және ер адамдар үшін 55 жастан жоғары тұлғалар;

3) ұзақ уақыт (бір жылдан аса) жұмыс істемеген тұлғалар;

4) отбасында бірде бір жұмыс істейтін адамы жоқ тұлғалар;

5) жалғызылікті тұрып жатқандар;

6) "Екібастұз қаласы әкімдігінің жұмыспен қамту және әлеуметтік бағдарламалар бөлімі" мемлекеттік мекемесінің жолдамасы бойынша кәсіби даярлау және қайта даярлау курстарынан өткен жұмыссыздар.

2. Жиырма бір жастан жиырма төрт жасқа дейінгі аралықтағы, соның ішінде бастауыш, орта және жоғары кәсіби білім беру оқу орындары бітірген және жұмыс өтілі жоқ жастар "жастар тәжірибесінен" өту үшін әлеуметтік жұмыс орындарына орналасқанда жұмыс берушіге жұмсалған қаражат шығыны жұмыссыздарға әлеуметтік көмек бойынша қосымша шара ретінде Қазақстан Республикасының қолданылып жүрген заннамасымен белгіленген ең аз еңбекақы көлемінен кем болмайтын мөлшерде белгіленсін.

3. «Екібастұз қаласы әкімдігінің халықты жұмыспен қамту жөне әлеуметтік бағдарламалар бөлімі» мемлекеттік мекемсі (С.С. Секенова) нысаналы топқа жататын жұмыссыздарды әлеуметтік жұмыс орындарына жұмысқа орналастыруды және жұмыс берушімен келісілген шарттарға сәйкес қаржыландыруды іске асырсын.

4. Осы қаулының орындалуын бақылау қала әкімінің орынбасары Ғ.Ш. Балтабековаға жүктелсін.

5. Осы қаулы оның бірінші ресми жарияланған күнінен бастап қолданысқа енеді және 2007 жылдың 1 қаңтарынан туындаған құқықтық қатнаста таратылады.