Об определении Перечня целевых групп населения в Житикаринском районе на 2007 год Қолданыста

2007 жылға арналған Жітіқара ауданындағы халықтың мақсатты топтарының Тізбесін белгілеу туралы Қазақстан Республикасы «Халықты жұмыспен қамту туралы» Заңының 5 бабына, 2) тармақшасына 7 бабына, Қазақстан Республикасы «Қазақстан Республикасындағы жергілікті мемлекеттік басқару туралы» Заңының 13) тармақшасы 1 тармағы 31 бабына сәйкес, әкімдік ҚАУЛЫ ЕТЕДІ:

1. Жұмыспен қамтуға көмектесу үшін 2007 жылға арналған Жітіқара ауданындағы халықтың мақсатты топтарының Тізбесі белгіленсін (қосымша).

2. «Жітіқара ауданының жұмыспен қамту және әлеуметтік бағдарламалар бөлімі» мемлекеттік мекемесі халықтың мақсатты топтарына жататын тұлғаларды жұмысқа орналастыру жөнінде шаралар қабылдасын.

3. Осы қаулының орындалуын бақылау аудан әкімінің орынбасары М.Қ. Жүндібаевқа жүктелсін.

4. Оның ресми жарияланымынан 10 күнтізбелік күн өткенінен соң қолданысқа енеді.

2007 жылғы 21 ақпандағы № 119 Қостанай облысы, Жітіқара ауданы әкімдігінің қаулысына қосымша Жұмыспен қамтуға көмектесу үшін 2007 жылға арналған Жітіқара ауданындағы халықтың мақсатты топтарының Тізбесі

1. Тұрмысы төмен азаматтар.

2. Жиырма бір жасқа дейінгі жастар.

3. Жиырма үш жасқа дейінгі балалар үйлерінің тәрбиеленушілері және ата - ананың қамқорлығысыз қалған балалар мен жетім балалар.

4. Кәмелетке толмаған балаларды тәрбиелеуші жалғыз басты, көп балалы ата - аналар.

5. Қазақстан Республикасының заңнамасымен белгіленгендей тәртіпте көмекті, тұрақты күтімді немесе бақылауды қажет етеді деп танылған азаматтар.

6. Зейнеткерлік алды жасындағылар (жасы бойынша зейнеткерлікке шығуға екі жыл қалғандар).

7. Мүгедектер.

8. Қазақстан Республикасы Қарулы Күштер қатарынан босатылғандар.

9. Мәжбүрлеп емдеуден және (немесе) бас бостандығынан айыру орынынан босатылғандар.

10. Оралмандар.

11. Ұзақ уакыт бойы жұмыс істемеген азаматтар (жыл және одан да көп).

12. 50 жастан асқандар.

13. Бастауыш, кәсіби орта білімі бар және кәсіби жоғары білімі бар түлектер.

14. Қостанай облысы бойынша тиісті кезеңіне белгіленгендей азық - түлік себеті құнынан аспайтын табысы бар толық емес отбасылар.