О мерах по предупреждению чрезвычайных ситуаций в период весеннего паводка 2007 года Қолданыста

2007 жылғы көктемгі су тасқыны кезеңінде төтенше жағдайларды болдырмау жөніндегі шаралар туралы Казақстан Республикасының «Табиғи және техногенді сипаттағы төтенше жағдайлар туралы» Заңының 13 бабына, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31 бабы 2 тармағына сәйкес және төтенше жағдайларды болдырмау, көктемгі су тасқыны кезеңінде ауданның экономикасы мен инфрақұрылымының тұрақты жұмыс істеуін қамтамасыз ету мақсатында әкімдік ҚАУЛЫ ЕТЕДІ:

1. 2006 жылға су тасқынына қарсы іс-шаралардың жоспары бекітілсін (қосымша беріледі).

2. Су таскыны аумағында қалатын мекемелер, ұйымдар мен кәсіпорындар басшыларына төтенше жағдайларды болдырмау жөнінде шаралар қарастыруды, су тасқыны өтетін кезеңде басшылар мен апаттық бригадалардың тәулік бойы кезекшілігін белгілеуді, оларды қажетті механизмдермен және материалдармен қамтамасыз ету жөнінде ұсыныс берілсін.

3. Село және селолық округтерінің әкімдері су тасқындарға ұшырайтын елді-мекендерге осы мерзімге қажет болатын азық-түлік пен ең бірінші қажет болатын тауарлар мен олардың қорын анықтасын.

4. Осы қаулының орындалуын бақылау Денисов ауданы әкімінің орынбасары С.И.Досмұхамедовқа жүктелсін.

5. Осы қаулы бірінші ресми жарияланған күннен он күнтізбелік күн өткеннен кейін қолданысқа енгізіледі.

6. Әкімдіктің 2007 жылғы 5 наурыздағы № 112 «2007 жылғы көктемгі су тасқыны кезеңінде төтенше жағдайларды болдырмау жөніндегі шаралар туралы» қаулысы жойылсын.

Әкімдіктің 2007 жылғы 16 наурыздағы № 130 қаулысымен БЕКІТІЛГЕН 2007 жылғы су тасқынына карсы іс-шаралардың ЖОСПАРЫ