Об использовании избирательных бюллетеней во время голосования на внеочередных выборах депутатов Мажилиса Парламента четвертого созыва и очередных выборах депутатов маслихатов Республики Казахстан в 2007 году Күшін жойған

2007 жылы төртінші шақырылатын Қазақстан Республикасы Парламенті Мәжілісінің депутаттарын кезектен тыс сайлауда және мәслихаттары депутаттарын кезекті сайлауда дауыс беру уақытында сайлау бюллетеньдерін пайдалану туралы "Қазақстан Республикасындағы сайлау туралы" Қазақстан Республикасы Конституциялық заңының 12, 41 және 42-баптарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Жасырын дауыс беруге арналған кабинада сайлау бюллетенін (бюллетеньдерін) өзі дауыс беретін кандидат тегінің, саяси партия атауының оң жағындағы бос шаршының ішіне кез келген белгі соғу арқылы толтырған сайлаушы оны (оларды) дауыс беруге арналған жәшікке салады.

2. Сайлау бюллетенін бүлдірген жағдайда, сайлаушының өтініші бойынша оған жаңа сайлау бюллетені беріледі. Жаңа сайлау бюллетені сайлаушыға тек бір рет беріледі. Бүлінген сайлау бюллетені пайдаланылмаған болып есептеледі және қалған пайдаланылмаған сайлау бюллетеньдерімен бірге жойылады.

3. Сайлау бюллетенін дауыс беруге арналған жәшікке салған сайлаушы дауыс беруге арналған үй-жайдан кетеді.

4. Сайлаушыға берілген сайлау бюллетеньдері мен сайлаушының электрондық карточкалары дауыс беруге арналған үй-жайдан тыс жерлерге шығарылмауға тиіс. Учаскелік сайлау комиссиясының мүшесі сайлаушыны бұл туралы ескертеді.

5. Осы қаулы облыстық, Астана және Алматы қалалық сайлау комиссияларына жіберілсін.

6. Облыстық, Астана және Алматы қалалық сайлау комиссиялары осы қаулыны төмен тұрған сайлау комиссияларының назарына жеткізсін.