2007 жылы Ұлан ауданының Қорғаныс істері жөніндегі бөлімінің шақыру учаскесіне тіркеу жылы он жеті жасқа толған Қазақстан Республикасының еркек жынысты азаматтарын тіркеуді өткізу туралы от 06.12.2007 г. № 381 (2007 жылы Ұлан ауданының Қорғаныс істері жөніндегі бөлімінің шақыру учаскесіне тіркеу жылы он жеті жасқа толған Қазақстан Республикасының еркек жынысты азаматтарын тіркеуді өткізу туралы)

2007 жылы Ұлан ауданының Қорғаныс істері жөніндегі
бөлімінің шақыру учаскесіне тіркеу жылы он жеті жасқа толған Қазақстан
Республикасының еркек жынысты азаматтарын тіркеуді өткізу туралы
2007 жылы Ұлан ауданының Қорғаныс істері жөніндегі бөлімінің шақыру учаскесіне тіркеу жылы он жеті жасқа толған Қазақстан Республикасының еркек жынысты азаматтарын тіркеуді өткізу туралы Қазакстан Республикасының « Әсқери міндеттілік және әскери қызмет туралы» Заңының 17 бабы, Қазакстан Республикасының «Қазакстан Республикасындағы жергілікті мемлекеттік басқару туралы» Заңының 31 бабының 1 тармағының 8) тармақшасы негізінде, Ұлан ауданының әкімдігі ҚАУЛЫ ЕТЕДІ:

1. 2007 жылдың қаңтар - наурызында тіркеу жылы он жеті жасқа толатын Казақстан Республикасының еркек жынысты азаматтарын Ұлан ауданының қорғаныс істері жөніндегі бөлімінің шақыру учаскесіне әскери есепке алу, олардың санын, әскери қызметке жарамдылық дәрежесін және денсаулық жағдайын анықтау, жалпы білімдік деңгейі мен мамандығын айқындау және дене даярлығының деңрейін анықтау, әскерге шақырылушыларды алдын-ала белгілеу, әскери-техникалық мамандықтар бойынша дайындау мақсатында тұрғылықты жері бойынша тіркеу ұйымдастырылсын және өткізілсін.

2. Әскерге шақыру учаскесіне тіркеуді ұйымдасқан түрде, уақытында өткізу мақсатында, ауылдық округтер және кенттер әкімдеріне, ұйымдар мен оқу органдарының бастықтарына:

1) 2008 жылдың 10 қаңтарына дейін 1991 жылы туған азаматтардың және жаңадан келтендердің тізімін анықтап, Ұлан ауданының қорғаныс істері жөніндегі бөліміне белгіленген үлгіде жазбаша хабарласын;

2) тіркелетіндерге қажетті және шақыру қағаздарында көрсетілген құжаттарды уақытында беруді және жинақтауды қамтамасыз етсін;

3) жасөспірімдердің флюрографиалық зерттеуге, анализ тапсыруға, тіркеу комиссиясына қажетті құжаттармен шақыру қағазында көрсетілген мерзімде келуі қамтамасыз етілсін) жасөспірімдерді алып баруға ауылдық округтер мен кенттерден орындарынан өкілдер тағайындалсын (әскери тіркеу үстелінің мама-инспекторы, бастапқы әскери дайындау оқытушылары).

3. «Ұлан ауданының қаржы бөлімі» мемлекеттік мекемесі (Н.Тусубжанова) бюджетпен бекітілген шекте азаматтардың тіркеуін жүргізуді қаржыландыруды қамтамасыз етсін.

4. Ұлан аудандық ауруханасына (Т. Сагатов., келісім бойынша) жасөспірімдерді зертханалық және флюрографиялық тексеруден өткізуін қамтамасыз ету, берілген нақты қаулының кестесіне сай шақырылатындарды стационарлық зерттеу үшін емханаларда қажетті төсек орнымен қамтамасыз ету ұсынылсын.

5. Аудандық ішкі істер бөлімі (Д. Калетаев келісім бойыйша) тіркеуге турудан бас тартып жүрген тұлғаларды іздестіруге көмек көрсету ұсынылсын.

6. Аудандық білім бөлімі (Г. Бояубаева) әскерге шакыру жасына тейінгі және шақыру жасындағы ұлдардың интернационалист-жауынгерлермен, әскери училище курсанттарымен «Отанды қорғау-мамандыктың бір түрі» тақырыбына кездесулерін өткізсін.

7. 1991 жылы туған азаматтардың тіркеуін өткізу бойынша және әскери оқу орындарына, Республикалық әскери мектеп интернаттарын, «Жас Ұлан» ерлер лицейіне, кадет корпусына үміткерлерді сапалы түрде іріктеу жұмыстарын жүргізу үшін комиссияның дербес құрамы келесі құрамда бекітілсін:
Бекежан Кайсанович Саниязов - комисия төрағасы, қорғаныс істері жөніндегі бөлім бастығы (келісім бойынша);
Назигуль Усеровна Сейсембина - комиссия төрағасының орынбасары, аудан әкімінің орынбасары.
Комиссия мүшелері:
Мейрамхан Алимханович Чистобаев - Ұлан ауданының ішкі істер бөлім бастығының орынбасары (келісім бойынша);
Сания Слямхановна Мухамеджанова - дәрігер, медицина қызметкерлері
құрамын басқарушы, медицина комиссияның төрайымы (келісім бойынша);
Гульжан Матеева - комиссия хатшысы (келісім бойынша).

8. Осы қаулының орындалуын бақылау Ұлан ауданы әкімінің орынбасары Н. Сейсембинаға жүктелсін.
Ресми жарияланған күннен бастап күшіне енсін.