О проведении приписки в январе-марте 2008 года граждан 1991 года рождения Қолданыста

2008 жылғы қантар –наурыз айларында 1991 жылы туған азаматтардың тіркеуін жүргізу туралы Қазақстан Республикасының 2001 жылғы 23 қантардағы «Қазақстан Республикасындағы жергілікті мемлекеттік басқару туралы», Қазақстан Республикасының 2005 жылғы 7 қантардағы « Қазақстан Республикасының қорғанысы және Қарулы Күштері туралы», Қазақстан Республикасының 2005 жылғы 8 шілдедегі «Әскери міндеттілік және әскери қызмет туралы» Заңдарына сәйкес, азаматтардың жыл сайынғы тіркеуін жүргізуді ұйымдастыру мен қамтамасыз ету үшін қала әкімдігі ҚАУЛЫ ЕТЕДІ:

1. «Сәтбаев қаласының қорғаныс істері жөніндегі бөлімі» ММ (Грудей А.Д.-келісімі бойынша) 2007 жылдың қаңтар-наурыз айларында 1991 жылы туған, Сәтбаев қаласында тұратын Қазақстан Республикасы азаматтарын Сәтбаев қаласының шақыру учаскесіне тіркеуге алынсын.

2. Сәтбаев қаласы, Гурба көшесі 102 үй, «Сәтбаев қаласының қорғаныс істері жөніндегі бөлімі» ММ мекен – жайы бойынша Қарағанды облысы, Сәтбаев қаласының азаматтарды тіркеу жөніндегі шақыру учаскесі ұйымдастырылсын.

3. Азаматтарды шақыру учаскесіне тіркеу жөніндегі комиссияның дербес құрамы бекітілсін (№1 қосымша).

4. Азаматтарды тіркеу жөніндегі комиссияның жұмыс тәртібі бекітілсін (№2 қосымша).

5. Азаматтарды шақыру учаскесіне тіркеу жөніндегі комиссия жанындағы медициналық комиссияның құрамы бекітілсін (бұдан әрі - тіркеу жөніндегі медициналық комиссия) (№3 қосымша).

6. «Сәтбаев қаласының қаржы бөлімі» ММ (Е.Х.Сәкеев) азаматтарды шақыру учаскесіне тіркеуге байланысты «Жалпыға бірдей әскери міндеті атқару шеңберіндегі іс-шаралар» бағдарламасына сәйкес қаржыландыру қамтамасыз етілсін.

7. Тіркеу жүргізу кезеңінде қажетті автокөліктерді бөлу кестесі бекітілсін (№4 Қосымша).

8. Қарағанды облысы денсаулық сақтау Департаментінің Жезқазған аймақтық өкілдігіне (К.К.Қабыкенов- келісімі бойынша) тіркеу комиссиясының жұмысы уақытында медициналық комиссия мүшелерінің негізгі жұмыс орындары мен орта айлық жалақыларын сақтау, комиссияны қажетті дәрі-дәрмекпен, дәрігерлік құрал-жабдықтармен қамтамасыз ету ұсынылсын.

9. Сәтбаев қаласының ішкі істер бөліміне (С. Б. Жаппаров - келісімі бойынша):

1) «Сәтбаев қаласының қорғаныс істері жөніндегі бөлімі» ММ- мен бірлесіп тіркеу уақытында шақыру учаскесінде құқық бұзушылықтың алдын алуға бағытталған іс-шаралар жүргізу;

2) тіркеуден жалтарып жүргендерді іздестіру, оларды тіркеу учаскесіне жеткізу ұсынылсын.

10. «Сәтбаев қаласының жұмыспен қамту және әлеуметтік бағдарламалр бөлімі» ММ (Қапарова Т.Ғ.) тіркеу кезінде азаматтарды тіркеу жөніндегі комиссияның қарамағына қажеті техникалық жұмыскерлер бөлуге ықпал жасасын..

11. Меншік нысандарына қарамастан мекемелер мен кәсіпорындар басшыларына жұмыс істеп жүрген, тіркеу жасындағы азаматтарға тіркеуден өту мерзімінде оқудан немесе жұмыстан босатып, олардың «Сәтбаев қалалық қорғаныс істері жөніндегі бөлімі» ММ уақытлы келуін қамтамасыз ету ұсынылсын.

12. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

13. Қаулының орындалуын бақылау қала әкімнің орынбасары М.С. Мәдиеваға жүктелсін. «КЕЛІСІЛДІ»: «Сәтбаев қаласының қорғаныс істері жөніндегі бөлімі» ММ бастығы А.Д. Грудей 2007 ж. «___» желтоқсан «Сәтбаев қаласының ішкі істер бөлімі» ММ бастығы С. Б. Жаппаров 2007 ж. «___» желтоқсан «Қарағанды облысы денсаулық сақтау департаменті» мемлекеттік мекемесінің Жезқазған аймақтық өкілдігінің бастығы К.К.Қабыкенов 2007 ж. «___» желтоқсан

Сәтбаев қаласы әкімдігінің 2007 жылғы „___” _________ №________ қаулысымен бекітілген № 1 қосымша Тіркеу жөніндегі комиссияның дербес Қ Ұ Р А М Ы Грудей Александр Дмитриевич - «Сәтбаев қаласының қорғаныс істері жөніндегі бөлімі» ММ бастығы, комиссияның төрағасы, (келісімі бойынша); Мұханбеталина Сара Тлегенқызы - «Сәтбаев қаласының ішкі саясат бөлімі» ММ бас маманы, комиссия төрағасының орынбасары; Десятова Валентина Алексейқызы - «Сәтбаев қаласының кеңестік диагностикалық емханасы» МКҚК, комиссия хатшысы; Комиссия мүшелері: Мергенбаев Төлеген Мергенбайұлы - «Сәтбаев қаласының ішкі істер бөлімі» ММ бастығының орынбасары, (келісімі бойынша); Маймақова Кәуя Кәкімқызы - «Маймақова К.К.» жеке кәсіпорнының дәрігері, медициналық комиссияның төрайымы,(келісімі бойынша).

Сәтбаев қаласы әкімдігінің 2007 жылғы „___” _________ №________ қаулысымен бекітілген № 2 қосымша Тіркеу жөніндегі комиссияның жұмыс ТӘРТІБІ

1. Тіркеу жөніндегі комиссияның дербес құрамы ( бұдан әрі – комиссия) қала әкімдігінің қаулысымен бекітіледі.

2. Коммисия өзінің жұмысында Қазақстан Республикасының 2005 жылғы 7 қантардағы «Қазақстан Республикасының қорғанысы және Қарулы Күштері туралы», Қазақстан Республикасының 2005 жылғы 8 шілдедегі «Әскери міндеттілік және әскери қызмет туралы» Заңдарың, Қазақстан Ресмпубликасы Үкіметінің 2006 жылғы 5 мамырдағы «Қазақстан Республикасында әскери міндеттілер мен әскерге шақырушыларды әскери есепке алуды жүргізу тәртібі туралы ережені бекіту туралы» №371, 2006 жылғы 31 наурыздағы «Қазақстан Республикасының Қарулы Күштерінде, басқа да әскерлері мен әскери құралымдарында әскери-дәргерлік сараптама жүргізу ережесін бекіту туралы» №226 қаулыларын бұйрығын басшылыққа алады.

3. Комиссия хаттама кітабын жүргізеді, жиынтық тізімдерге сәйкес оған тіркеу учаскесіне тіркелуге тиіс барлық азаматтар енгізіледі.

4. Күн сайын тіркеу жөніндегі комиссия хаттамалар кітабына жазылған жазбалардың дұрыстығын тексереді және хаттамаға барлық комиссия мүшелері қол қояды.

5. Тіркеу жөніндегі комиссия әскерге шақырылушының құжаттарын зерделеу және жеке әңгімелесу негізінде мынандай шешімдердің бірін: «Әскери қызметке жарамды»; «Әскери қызметке жарамды, бірвақ қосымша емделуге мұқтаж»; «Емделуге (медициналық бақылауға) мұқтаж»; «Бейбіт уақытта әскери қызметке жарамсыз, соғыс уақытында шектеулі түрде жарамды»; «Әскери есептен шығарумен әскери қызметке жарамсыз», тіркелуге келмеген азаматтарды іздестіруді ұйымдастыру жөнінде, әскери есепке қоюдан бас тарту, тіркеу мерзімін кейінге қалдыру туралы шешім қабылдайды.

Сәтбаев қаласы әкімдігінің 2007 жылғы „___” _________ №______ қаулысымен бекітілген № 3 қосымша Тіркеу жөніндегі медициналық комиссияның Қ Ұ Р А М Ы Маймақова Кәуя Кәкімқызы - «Маймақова К.К.» жеке кәсіпорнының жүйке аурулары дәрігері, медициналық комиссияның төрайымы; Бектауова Әсем Сәрсенбайқызы - «Сәтбаев қаласының № 1 ОҚА» МКҚК медбике-терапевті; Комиссия мүшелері: Әбдікожина Баян Өтегенқызы - Сәтбаев қаласының «Стоматология» өндірістік кооперативінің тіс дәрігері; Баспаева Нұрсұлу Ырзахметқызы - «Сәтбаев қаласының № 6 отбасылық дәрігерлік амбулаториясының» дәрігер-терапевті; Балтабекова Масура Мұқашқызы - «Сәтбаев қаласы кеңестік диагностикалық емханасы» МКҚК көз дәрігері; Бұланбаева Гүлбану Дәнекейқызы - «Сәтбаев қаласының жүйке аурулары диспансері» МКҚК дәрігері; Даирова Мира Сейдаловна - «Жезқазған қаласының тері және жұқпалы аурулары диспансері» МКҚК дәрігері; Қадырбекова Роза Рахымбекқызы - «Сәтбаев қаласының поликлиникасы» МКҚК құлақ, мұрын және тамақ дәрігері; Сүлейменова Ақмарал Өмірбекқызы - «Сәтбаев қаласының кеңестік диагностикалықемханасы» МКҚК дәрігер – оташысы.

Сәтбаев қаласы әкімдігінің 2007 жылғы „___” _________ №______ қаулысымен бекітілген № 4 қосымша Тіркеу уақытында «Сәтбаев қаласының қорғаныс істері жөніндегі бөлімі» ММ қарамағына қажетті автокөлік бөлу кестесі № Кәсіпорынның аталуы Автокөлік бөлу мерзімі Бөлу сағаты 1. “ҚР Ауылшаруашылық Министрлігінің Сәтбаев қалалық аймақтық басқармасы”ММ 07.01.-11.01. 9.00-18.00 2. «Жезқазған қалалық қияли-жүйке ауруларын емдеу мекемесі» ММ 14.01-18.01. 9.00-18.00 3. «ӘАҚЖ» РМК Жезқазған әскерилендірілген «КЕН» құтқарушылық жасағы 21.01.-25.01. 9.00-18.00 4. «Жезқазған қалалық туберкулез ауруына қарсы күрес диспансер» ММ 28.01.-01.02. 9.00-18.00 5. «№1 Қалалық орталық аурухана» МКҚК 04.02.-08.02. 9.00-18.00 6. «Мемлекеттік санитарлық эпидемиологиялық қадағалау департаменті» ММ Сәтбаев қаласы бойынша басқармасы 11.02.-15.02. 9.00-18.00 7. «Сәтбаев қаласының қорғаныс істері жөніндегі бөлімі» ММ 18.02.-22.02. 9.00-18.00 8. «Сәтбаев қаласы әкімі аппараты» ММ 25.02.-29.02. 9.00-18.00 9. «Сәтбаев қаласының жұмыспен қамту және әлеуметтік бағдарламалар бөлімі» ММ 03.03.-07.03. 9.00-18.00 10. «Жезқазған кенті әкімінің аппараты» ММ 10.03.-14.03. 9.00-18.00 11. «Сәтбаев қаласы бойынша салық комитеті» ММ 17.03.-21.03. 9.00-18.00 12 «Сәтбаев қаласының қазынашылық бөлімі» ММ 24.03-28.03 9.00-18.00