«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабына және Меркі аудандық Әділет басқармасының 2010 жылғы 21 шілдедегі №4-1658 «Заңды бұзуды жою туралы» ұсынымына сәйкес аудандық мәслихат ШЕШІМ ЕТТІ:

1. «Табысы аз отбасыларына (азаматтарға) коммуналдық қызметтерді тұтынуға берілетін бір жолғы тұрғын үй көмегін көрсету тәртібін бекіту туралы» Меркі аудандық мәслихатының 2008 жылғы 26 наурыздағы №7-19 шешіміне (Нормативтік құқықтық кесімдерді мемлекеттік тіркеу тізілімінде №6-6-54 болып тіркелген, 2008 жылғы 07 мамырдағы №56 «Меркі тынысы» газетінде жарияланған ) келесі өзгеріс енгізілсін:
Аталған шешімімен бекітілген Табысы аз отбасыларына (азаматтарға) коммуналдық қызметтерді тұтынуға берілетін бір жолғы тұрғын үй көмегін көрсету тәртібінің 5 тармағында «екінші деңгейдегі банк немесе почта бөлімінде жүзеге асырылады» деген сөздері «екінші деңгейдегі банктер арқылы жүзеге асырылады» деген сөздерімен ауыстырылсын.

Меркі аудандық мәслихаттың
2010 жылғы 2 тамыздағы
№37-5 шешіміне қосымша
Табысы аз отбасыларына (азаматтарға) коммуналдық қызметтерді тұтынуға берілетін бір жолғы тұрғын үй көмегін көрсету тәртібі
Осы тәртіп Қазақстан Республикасының 1997 жылғы 16 сәуірдегі «Тұрғын үй қатынастары туралы» Заңының 97 бабы 2 тармағына және Қазақстан Республикасы Үкіметінің 2009 жылғы 30 желтоқсандағы №2314 бекітілген « тұрғын үй көмегін көрсету ережесі» негізінде аудандағы табысы аз отбасыларына коммуналдық қызметтерді тұтынуға берілетін бір жолғы материалдық көмек көрсетуді белгілейді.

1. Табысы аз отбасыларына (азаматтарға) коммуналдық қызметтерді тұтынуға берілетін бір жолғы тұрғын үй көмегі « Меркі аудандық әкімиятының жұмыспен қамту және әлеуметтік бағдарламалар бөлімі» мемлекеттік мекемесі арқылы ауыл, кент Әкімдері жанынан құрылған мемлекеттік атаулы көмекті және он сегіз жасқа дейін балаларға ай сайын тағайындалып төленетін мемлекеттік жәрдемақыларды тағайындау учаскелік комиссиялар ( одан әрі учаскелік комиссиялар) қорытындысы бойынша төленеді.

3. Меркі ауданы әкімиятының жұмыспен қамту және әлеуметтік бағдарламалар бөлімі» мемлекеттік мекемесі, ауыл кент Әкімдері жанынан құрылған учаскелік комиссиялардың қорытындысымен бірге ұсынылған тізім және отбасылардың өтініші бойынша « Меркі ауданы әкімиятының қаржы бөлімі» мемлекеттік мекемесіне қаржы бөлу жөнінде сұраныс дайындайды.