Әкімдіктің 2008 жылғы 28 қаңтардағы № 51 қаулысына толықтырулар енгізу туралы Қолданыста

Әкімдіктің 2008 жылғы 28 қаңтардағы № 51 қаулысына толықтырулар енгізу туралы Қазақстан Республикасының Бюджет Кодексінің 64-1-бабына, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы 1-тармағы 1) тармақшасына және Аманкелді аудандық мәслихатының 2007 жылғы 21 желтоқсандағы «Аманкелді ауданының 2008 жылға арналған аудандық бюджеті туралы» (Аманкелді ауданы әділет басқармасында 2007 жылғы 28 желтоқсандағы мемлекеттік тіркеу нөмірі 9-6-66 «Амангелді арайы» аудандық газетінің 2008 жылғы 7 қаңтардағы 1-2 нөмірінде жарияланған) № 20 шешіміне сәйкес Аманкелді ауданының әкімдігі ҚАУЛЫ ЕТЕДІ:

1. Аманкелді ауданы әкімдігінің 2008 жылғы 28 қаңтардағы «Әлеуметтік көмек көрсету туралы» (Аманкелді ауданының әділет басқармасындағы 2008 жылғы 15 ақпандағы мемлекеттік тіркеу нөмірі 9-6-72, «Аманкелді арайы» аудандық газетінің 2008 жылғы 28 наурыздағы № 13 нөмірінде жарияланған) № 51 қаулысының 3-тармағы 8-1) тармақшамен толықтырылсын «8-1) Өрт салдарынан зардап шеккен азаматтарға бір жолғы көмек 150000 теңге тағайындалып, төленеді».

2. Осы қаулының орындалуына бақылау жасау аудан әкімінің орынбасары С. Хайруллинге жүктелсін.

3. Осы қаулы алғаш ресми жарияланғаннан кейін он күнтізбелік күннен соң қолданысқа енгізілді.