2008 жылға арналған аудан бюджеті туралы от 25.12.2007 г. № 4/15 (2008 жылға арналған аудан бюджеті туралы)

2008 жылға арналған аудан бюджеті туралы
«Қазақстан Республикасының 23 қаңтар 2001 жылғы №148 «Қазақстан Республикасындағы жергілікті мемлекеттік басқару туралы» Заңының 6 бабына, 2004 жылғы 24 сәуірдегі №548-II Қазақстан Республикасының бюджет Кодексіне және «2008 жылға арналған облыстық бюджет туралы» облыстық мәслихаттың 2007 жылғы 13 желтоқсандағы №3/13-шешіміне, аудан әкімінің 14.12.2007 жылғы Қаулысына сәйкес аудандық мәслихат ШЕШТІ:

1. Бәйдібек ауданының 2008 жылға арналған аудан бюджетінің жобасы №1 қосымшаға сәйкес мынадай көлемде белгіленсін:

1) Кірістер 2 430 687 мың теңге, оның ішінде:
Салықтық түсімдер 129 335 мың теңге;
Салықтар емес түсімдер 1 349 мың;
Негізгі капиталды сатудан түсетін түсімдер 1 374 мың теңге;
Трансферттер түсімі 2 298 629 мың теңге.

2) Шығындар 2 430 687 мың теңге;

3) Операциялық сальдо - 0;

4) Таза бюджеттік кредит беру - 0;

5) Қаржы активтерімен жасалатын операциялар бойынша сальдо - 0;

6) Бюджет дефициті - 0;

7) Бюджет дефицитін қаржыландыру - 0.

2. 2008 жылы жалпы мемлекеттік салықтар мен кірістердің түсімдерінен аудан бюджетіне реттеуші салықтар бойынша жеке табыс салықтарынан, әлеуметтік салықтан 50 пайыз мөлшерінде аударылатын болып белгіленсін.

3. 2008 жылы аудандық бюджетте мемлекеттік мекемелер мен кәсіпорындар қызметкерлерінің 2007 жылғы желтоқсан айының еңбекақы қарыздары төленуі ескерілсін.

4. Аудандық бюджетте аудан әкімдігінің резерві 20 414 мың теңге сомасында белгіленсін, оның ішінде:
-табиғи және техногендік сипаттағы төтенше жағдайларды жою резерві - 8714 мың теңге;
-жергілікті атқарушы органның шұғыл шығындарына арналған резерві - 11200 мың теңге;
-соттардың шешімдері бойынша міндеттемелерді орындауға арналған резерві 500 мың теңге.

5. «Агроөнеркәсіп кешенді және ауылдық аймақтары дамытудың мемлекеттік реттеу туралы» Қазақстан Республикасының 2005 жылғы 8 шілдесіндегі
Заңының 18-ші бабына сәйкес 2008 жылға аудандық бюджеттен қаржыландырылатын ауылды жерде жұмыс істейтін әлеуметтік қамсыздандыру, білім беру, мәдениет және спорт ұйымдарының мамындарына қала жағдайында осы қызмет түрлерімен айналысатын мамандардың ставкаларымен салыстырғанда айлықтары мен тарифтік ставкаларының 25 пайызы мөлшерінде үстеме ақы төлеу үшін қаржы қарастырылсын.

6. 2008 жылға арналған бюджеттік инвестициялық жобаларды және инвестициялық бағдарламаларды іске асыруға бағытталған аудандық бюджеттік даму бағдарламаларының тізбесі №2 қосымшаға сәйкес белгіленсін.

7. 2008 жылға арналған аудандық бюджеттен қаржыландырылатын ауылдық округтердің бюджеттік бағдарламаларының тізбесі №3 қосымшаға сәйкес белгіленсін.

8. 2008 жылғы бюджеттің орындалу барысында қысқартылуға жатпайтын аудандық бюджеттік бағдарламалар тізбесі №4 қосымшаға сәйкес белгіленсін.

9. Осы шешім 2008 жылдың 1 қаңтарынан бастап қолданысқа енгізілсін.