О городском бюджете города Рудного на 2008 год Қолданыста

Рудный қаласының 2008 жылға арналған қалалық бюджеті туралы Қазақстан Республикасы Бюджет кодексінің 85-бабына, «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6-бабына сәйкес, сондай-ақ Қостанай облысы мәслихатының 2007 жылғы 12 желтоқсандағы № 32 «Қостанай облысының 2008 жылға арналған облыстық бюджеті туралы» шешімін, Рудный қаласы әкімдігінің 2007 жылғы 23 қазандағы № 1547 «Рудный қалалық мәслихатының қарауына Рудный қалалық мәслихатының «Рудный қаласының 2008 жылға арналған қалалық бюджеті туралы» шешімінің жобасын енгізу туралы» қаулысын және Рудный қаласы әкімдігінің 2007 жылғы 14 желтоқсандағы № 1815 «Әкімдіктің 2007 жылғы 23 қазандағы № 1547 «Рудный қалалық мәслихатының қарауына Рудный қалалық мәслихатының «Рудный қаласының 2008 жылға арналған қалалық бюджеті туралы» шешімінің жобасын енгізу туралы» қаулысына өзгерістер енгізу туралы» қаулысын қарап мәслихаты ШЕШТІ:

1. Рудный қаласының 2008 жылға арналған қалалық бюджеті 1-қосымшаға сәйкес мына көлемдерде бекітілсін:

1) кірістер - 5 579 782 мың теңге, оның ішінде: салықтық түсімдер - 5 465 482 мың теңге; салықтық емес түсімдер - 7 100 мың теңге; негізгі капиталды сатудан түскен түсімдер - 97 650 мың теңге; трансферттер түсімдері - 9 550 мың теңге;

2) шығындар - 5 568 102 мың теңге;

3) операциялық сальдо - 11 680 мың теңге;

4) таза бюджеттік кредит беру - 0 мың теңге;

5) қаржы активтерімен жасалатын операциялар бойынша сальдо - 11 680 мың теңге;

6) бюджет тапшылығы (профициті) - 0 мың теңге;

7) бюджет тапшылығын қаржыландыру (профицитін пайдалану) - 0 мың теңге.

2. Қазақстан Республикасының Бюджет кодексіне сәйкес 2008 жылы қалалық бюджетке облыстық бюджеттің кірісіне есептелетін түсімдерден басқа кірістер толық көлемде есептелетіні белгіленсін.

3. Рудный қаласының 2008 жылға арналған қалалық бюджетінен облыстық бюджетке алынатын бюджеттік алымдардың көлемі 2 926 160 мың теңге сомасында екендігі назарға алынсын.

4. Рудный қаласының 2008 жылға арналған қалалық бюджетінің шығыстарында бұрын нысаналы ағымдағы трансферттер есебінен қаржыландырылған тұрақты сипаттағы шығындар ескерілсін, оның ішінде:

1) жалпы орта білім беретін мемлекеттік мекемелердегі типтік штаттарды қамтамасыз ету - 29 439 мың теңге;

2) тестілеу орындарына балаларды апаруды, тұрғызуды және тамақтандыруды ұйымдастыру - 104 мың теңге;

3) Интернетке қосылу және жалпы орта білім беретін мемлекеттік мекемелерде трафикке төлеу – 2 885 мың теңге;

4) білім беретін мемлекеттік мекемелердің кітапхана қорларына оқулықтарды, әдістемелік жиындарды сатып алу және жеткізу - 7 071 мың теңге;

5) білім беру ұйымдарының кітапхана қорын жаңарту үшін мемлекеттік тілді оқыту жөніндегі оқу, анықтамалық және электрондық әдебиетті сатып алу және жеткізу - 1 027 мың теңге;

6) мүгедектерді оңалтудың жеке бағдарламасына сәйкес, мұқтаж мүгедектерді міндетті гигиеналық құралдармен қамтамасыз етуге және ымдау тілі мамандарының, жеке көмекшілердің қызмет көрсетуі - 5 122 мың теңгс;

7) қалалық телекоммуникация торабының абоненттері болып табылатын әлеуметтік қорғалатын азаматтарға телефонға абоненттік төлем тарифтерінің көтерілуіне өтемақы - 8 070 мың теңге.

5. Рудный қаласы әкімдігінің 2008 жылға арналған резерві 66 202 мың теңге сомасында бекітілсін.

6. Рудный қаласының 2008 жылға арналған бюджетінің шығындарында «Бастауыш, негізгі және орта мектептер, бала бақша-мектептер» кіші бағдарлама бойынша жаппай міндетті орта білім беру қорындағы шығындар ағымдағы ұстауға арналған шығындардан кемінде 1 пайыз көлемінде екендігі ескерілсін.

7. Заңды тұлғалардың жарғылық капиталын қалыптастыруға немесе ұлғайтуға арналған бюджеттік инвестициялық жобаларды (бағдарламаларды) іске асыруға бағытталған бюджеттік бағдарламаларға бөле отырып, 2008 жылға арналған бюджетті дамытудың бюджеттік бағдарламалары мен кіші бағдарламаларының тізбесі 2-қосымшаға сәйкес бекітілсін.

8. 2008 жылға арналған қалалық бюджетті орындау барысында секвестрлеуге жатпайтын бюджеттік бағдарламалардың тізбесі 3-қосымшаға сәйкес бекітілсін.

9. 2008 жылға арналған Қашар поселкесінің бюджеттік бағдарламалар тізбесі 4-қосымшаға сәйкес және 2008 жылға арналған Горняцк поселкесінің бюджеттік бағдарламалар тізбесі 5-қосымшаға сәйкес бекітілсін.

10. Осы шешім 2008 жылғы 1 қаңтардан бастап қолданысқа енгізіледі.