Об организации оплачиваемых общественных работ на 2008 год Қолданыста

2008 жылға арналған ақы төленетін қоғамдық жұмыстарды ұйымдастыру туралы Қазақстан Республикасы «Халықты жұмыспен қамту туралы» Заңының 20-бабы 5-тармағына және Қазақстан Республикасы «Қазақстан Республикасындағы жергілікті мемлекеттік басқару туралы» Заңының 31-бабы 1-тармағы 13) тармақшасына сәйкес, әкімдік ҚАУЛЫ ЕТЕДІ:

1. 2008 жылға арналған қоғамдық жұмыстардың көлемі мен түрлері қоғамдық жұмыстар базасында ұйымдастырылатын ұсынылған ұйымдар тізбесі бекітілсін (қосымша).

2. «Жітіқара ауданының жұмыспен қамту және әлеуметтік бағдарламалар бөлімі» мемлекеттік мекемесі 2008 жылға арналған қоғамдық жұмыстарды ұйымдастыру кезінде осы қаулыны басшылыққа алсын.

3. Жітіқара ауданының әкімдігі «Жітіқара Тазалық» мемлекеттік коммуналдық кәсіпорынының директоры осы қаулымен бекітілгендей, қоғамдық жұмыстарды орындау көлемдері мен түрлеріне сәйкес, шарттар жасасын.

4. Қоғамдық жұмыстармен қамтылған жұмыссыздардың еңбек төлемі «Қоғамдық жұмыстарды қаржыландыру тәртібі мен шарттары туралы ережелерді бекіту туралы» 2005 жылғы 28 қаңтардағы № 46 әкімдік қаулысымен (мемлекеттік тіркеу нөмірі 3323, 2005 жылғы 30 наурыздағы «Авангард» газетінде жарияланған) бекітілгендей, қоғамдық жұмыстарды қаржыландыру тәртібі мен шарттары туралы Қағидаларға сәйкес жүргізіледі.

5. «Жітіқара ауданының тұрғын үй-коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесі тізбеде бекітілгендей ұйымдарға қызмет көрсетуі және ақы төлеуі кезінде қоғамдық жұмыстардың көлемдері мен түрлерін есепке алсын.

6. Осы қаулының орындалуына бақылау жасау аудан әкімінің орынбасары Қ.Х. Испергеновке жүктелсін.

7. «2007 жылға арналған қоғамдық жұмыстардың көлемдері мен түрлерінің тізбесін бекіту туралы» 2006 жылғы 4 желтоқсандағы № 882 (мемлекеттік тіркеу нөмірі 9-10-57, 2007 жылғы 12 қаңтардағы «Житикаринские новости» газетінде жарияланған, «2007 жылға арналған қоғамдық жұмыстардың көлемдері мен түрлерінің тізбесін бекіту туралы» 2006 жылғы 4 желтоқсандағы № 882 қаулысына толықтырулар енгізу туралы» 2007 жылғы 21 тамыздағы № 614 әкімдік қаулысымен бұрын толықтырулар енгізілген, мемлекеттік тіркеу нөмірі 9-10-78, 2007 жылғы 28 қыркүйектегі № 40 «Житикаринские новости» газетінде жарияланған) әкімдік қаулысының күші жойылған деп танылсын.

8. Әкімдік қаулысы оның бірінші ресми жарияланған күнінен кейін он күнтізбелік күн өткенінен соң қолданысқа енеді.

2007 жылғы 14 желтоқсандағы № 838 әкімдік қаулысына қосымша