2008 жылға сыртқы (көрнекі) жарнамалардың орналастырылуына алынатын айлық төлемақы мөлшері туралы Қолданыста

2008 жылға сыртқы (көрнекі) жарнамалардың орналастырылуына алынатын айлық төлемақы мөлшері туралы Қазақстан Республикасының 2001 жылғы 23 қаңтардағы №148-II «Қазақстан Республикасындағы жергілікті мемлекеттік басқару туралы» Заңының 6-бабының 1-тармағының 15 тармақшасына сәйкес, «Салық және бюджетке төленетін басқа да міндетті төлемдер туралы» Қазақстан Республикасының 2001 жылғы 12 маусымдағы №209 Кодексінің (Салық кодексі) 491-бабының 2-тармағын басшылыққа алып және Құрманғазы ауданы бойынша салық комитетінің 2007 жылғы 28 қарашадағы №1704 ұсынысы негізінде аудандық мәслихат ШЕШІМ ЕТТІ:

1. 2008 жылға сыртқы (көрнекі) жарнамалардың орналастырылуына алынатын айлық төлемақы мөлшері қосымшаға сәйкес белгіленсін.

2. Аудандық мәслихаттың 2006 жылғы 15 желтоқсандағы №303-XXXIY «2007 жылға сыртқы (көрнекі) жарнамалардың орналастырылуына алынатын айлық төлемақы мөлшері туралы» (аудандық әділет басқармасында 2006 жылы 25 желтоқсанда №4-8-67 мемлекеттік тіркелген, аудандық «Серпер» газетінде 2007 жылы 10 қаңтарда 2 нөмірінде жарияланған) шешімнің күші 2008 жылдың 1 қаңтарынан бастап жойыосын.

3. Осы шешім 2008 жылдың қаңтар айының 1-нен бастап қолданысқа енгізілсін.

4. Осы шешімнің орындалуын бақылау аудандық мәслихаттың экономика, салық және бюджет саясаты жөніндегі тұрақты комиссияға (Ш.Жәлелов) тапсырылсын. Келісілді: Құрманғазы ауданы бойынша салық комитетінің төрағасы Ғ.Мырзағалиев

Аудандық мәслихаттың 2007 жылғы 21 желтоқсандағы №38-III шешіміне қосымша 2008 жылға сыртқы (көрнекі) жарнамалардың орналастырылуына алынатын айлық төлемақы мөлшері Рет саны Жарнамалар көлемі және түрі Төлем ставкасы 1 Көрсеткіштер, жарнамалық маңдайшалар, ақпарат қалқандары (қабырғалық, жерлік, шатырларда орналасқан) 5 кв/м дейін 1 айлық есептік көрсеткіш 2 Көрсеткіштер, жарнамалық маңдайшалар, ақпарат қалқандары (қабырғалық, жерлік, шатырларда орналасқан) 5-тен 10 кв/м дейін 2 айлық есептік көрсеткіш 3 Көрсеткіштер, жарнамалық маңдайшалар, ақпарат қалқандары (қабырғалық, жерлік, шатырларда орналасқан) 10-нан 20 кв/м дейін 5 айлық есептік көрсеткіш 4 Көрсеткіштер, жарнамалық маңдайшалар, ақпарат қалқандары (қабырғалық, жерлік, шатырларда орналасқан) 20-дан 50 кв/м дейін 10 айлық есептік көрсеткіш 5 Көрсеткіштер, жарнамалық маңдайшалар, ақпарат қалқандары (қабырғалық, жерлік, шатырларда орналасқан) 50-ден 70 кв/м дейін 15 айлық есептік көрсеткіш 6 Көрсеткіштер, жарнамалық маңдайшалар, ақпарат қалқандары (қабырғалық, жерлік, шатырларда орналасқан) 70-тен 100 кв/м дейін 20 айлық есептік көрсеткіш 7 Жолаушы көліктер құралдарының (автобустар, микроавтобустар, таксилер, тасымалдау көліктері) 2 айлық есептік көрсеткіш 8 Көрмедегі жазулар немесе бейнелер түріндегі жарнама, витриналардағы жазбалар және көріністер 1 айлық есептік көрсеткіш 9 Әуе шарларындағы жарнамалар 10 айлық есептік көрсеткіш 10 Лазерлік жарнамалық қондырғылар (экран кеңістігі бойынша) 10 айлық есептік көрсеткіш 11 Мемлекеттік органдардың өз жүйелерін жүзеге асырудағы жарнама жазулар 0 Ескерту: Айлық есептік көрсеткіш 2008 жылға қабылданған мемлекеттік бюджет заңына сәйкес