О дополнительных мерах по социальной защите граждан Успенского района в сфере занятости в 2008 году Қолданыста

2008 жылы Успен ауданында жұмыспен қамту саласында азаматтарды әлеуметтік қорғау жөнінде қосымша шаралар туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31 бабы, 1 тармақшысының 13) тармақшасына сәйкес тұрғындардың мақсатты топтарындағы жұмыссыздарды әлеуметтік қорғау және жұмыс пен қамтуға көмек көрсету мақсатында аудан әкімдігі ҚАУЛЫ ЕТЕДІ:

1. Қосымшаға сәйкес тұрғындардың мақсатты тобына жататындардың қосымша тізбесі бекітілсін.

2. Успен ауданының «Жұмыспен қамту және әлеуметтік бағдарламалар бөлімі» мемлекеттік мекемесі (Г.Ж. Шаихова):

1) Жұмыс берушілермен (келісім бойынша) шарт бойынша тұрғындардың мақсатты топтарындағы жұмыссыздар үшін әлеуметтік жұмыс орындарын ұйымдастырсын;

2) Жұмыс берушілердің өтінімдері негізінде тұрғындардың мақсатты топтарындағы жұмыссыздарды жұмысқа орналастыру үшін шарт жасасын.

3. Успен ауданының «Қаржы бөлімі» мемлекеттік мекемесі (С.О. Жүніспева) әлеуметтік жұмыс орындардың аудандық бюджеттен бөлінген қаражат көлемінде өз уақытында қаржыландырылуын қамтамасыз етсін.

4. Осы қаулының орындалуын бақылау аудан әкімінің орынбасары Т.В. Ильинаға жүктелсін.

5. Осы қаулы ресми жарияланған күннен 10 күн өткен соң күшіне енеді.

Успен ауданы әкімдігінің 2008 жылғы «12» ақпан № 50/2 «Успен ауданында 2008 жылға арналған қоғамдық жұмысты ұйымдастыру туралы» қаулысына қосымша Успен ауданы бойынша тұрғындардың мақсатты тобына жататындардың қосымша тізбесі

1. Дәрігерлік комиссиясының анықтамасы бойынша еңбек етуге шектеуі бар адамдар;

2. Орта жастан жоғары адамдар (50 жастағы және одан жоғары);

3. Жұмыс өтілі және мамандығы жоқ адамдар;

4. Ұзақ уақыт жұмыс істемеген адамдар (бір жылдан аса);

5. 24 жасқа дейінгі жастар.