Об установлении квоты рабочих мест для трудоустройства инвалидов на 2008 год Қолданыста

Мүгедектерді жұмысқа орналастыру үшін жұмыс орындарының 2008 жылға арналған квотасын белгілеу туралы «Халықты жұмыспен қамту туралы» Қазақстан Республикасы Заңының 7-бабының 5-2)-тармақшасына, «Қазақстан Республикасында мүгедектерді әлеуметтік қорғау туралы» Қазақстан Республикасы Заңының 31-бабының 1-тармағына сәйкес Алтынсарин ауданының әкімдігі ҚАУЛЫ ЕТЕДІ:

1. Мүгедектер үшін квота Алтынсарин ауданы бойынша жұмыс орындарының жалпы көлемінен үш пайыз мөлшерінде жұмыс берушілерге белгілеу ұсынылсын.

2. «Алтынсарин ауданы әкімдігінің жұмыспен қамту және әлеуметтік бағдарламалар бөлімі» мемлекеттік мекемесі (М.Қ. Есенбаева) мүгедектердің жұмыс орындарына жұмысқа тұруға квотаға сәйкес жолданылуын қамтамасыз етсін.

3. Алтынсарин ауданы әкімдігінің 2007 жылғы 22 қаңтардағы № 36 «Мүгедектерді жұмысқа орналастыру үшін жұмыс орындарының 2007 жылға арналған квотасын белгілеу туралы» қаулысының күші жойылды деп есептелсін.

4. Осы қаулының орындалуына бақылау жасау аудан әкімінің бірінші орынбасары К.Ғ. Таңқыбаевқа жүктелсін.

5. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.