Об установлении ставки платы на персональный компьютер, используемый для проведения игры на 2008 год Қолданыста

2008 жылға арналған ойын өткізу үшін пайдаланылатын жеке компьютерге төлем ставкаларын белгілеу туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6 бабына, Қазақстан Республикасының 2001 жылғы 12 маусымдағы «Салық және бюджетке төленетін басқа да міндетті төлемдер туралы» Кодексінің (Салық Кодексі) 393 бабының 2 тармақшасына және 394 бабына сәйкес, аудандық мәслихат ШЕШІМ ЕТТІ:

1. Ойын өткізу үшін пайдаланылатын жеке компьютерге тіркелген жиынтық салық бір жылға 10 айлық есептік көрсеткіш мөлшерінде белгіленсін.

2. Осы шешімнің орындалуына бақылау жасау аудандық мәслихаттың ауданның бюджеттік саясаты мен әлеуметтік - экономикалық дамуы бойынша тұрақты комиссиясына жүктелсін.

3. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.