Об установлении квоты рабочих мест для инвалидов на 2008 год Қолданыста

2008 жылға мүгедектерге арналған жұмыс орындарының квотасын белгілеу туралы Қазақстан Республикасы «Халықты жұмыспен қамту туралы» Заңының 7-бабының 5-2) тармағын, Қазақстан Республикасының «Қазақстан Республикасындағы мүгедектерді әлеуметтік қорғау туралы» Заңының 31-бабының 1) тармағын жүзеге асыру мақсатында Федоров ауданының әкімдігі ҚАУЛЫ ЕТЕДІ:

1. Федоров ауданы бойынша жұмыс орындарының жалпы санының үш пайыз мөлшерінде, мүгедектерге арналған жұмыс орындарының квотасы 133 (жүз отыз үш) орын болып белгіленсін.

2. "Федоров аудандық жұмыспен қамту және әлеуметтік бағдарламалар бөлімі" мемлекеттік мекемесі квотаға сәйкес мүгедектерді жұмысқа орналастыру үшін жұмыс орындарына жіберуін қамтамасыз етсін.

3. Осы қаулы алғаш ресми жарияланған күнінен бастап он күнтізбелік күн өткеннен кейін қолданысқа енгізіледі.