"Аудан халқының ішіндегі нысаналы топтарының тізбесін бекіту туралы" әкімдіктің 2009 жылғы 19 наурыздағы № 45 қаулысына өзгерістер енгізу туралы Қолданыста

"Аудан халқының ішіндегі нысаналы топтарының тізбесін бекіту туралы" әкімдіктің 2009 жылғы 19 наурыздағы № 45 қаулысына өзгерістер енгізу туралы Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабының 1-тармағы 13) тармақшасын басшылыққа ала отырып және Қазақстан Республикасының 2001 жылғы 23 қаңтардағы "Халықты жұмыспен қамту туралы" Заңының 5-бабының 2-тармағына және 7-бабының 2) тармақшасына сәйкес Аманкелді ауданының әкімдігі ҚАУЛЫ ЕТЕДІ:

1. "Аудан халқының ішіндегі нысаналы топтарының тізбесін бекіту туралы" аудан әкімдігінің 2009 жылғы 19 наурыздағы № 45 (нормативтік құқықтық кесімдерді мемлекеттік тіркеудің тізілімінде 9-6-89 болып тіркеліп, "Аманкелді арайы" газетінің 2009 жылғы 17 сәуірінде жарияланған; бұрын аудан әкімдігінің 2009 жылғы 9 маусымдағы № 108 "Аудан халқының ішіндегі нысаналы топтарының тізбесін бекіту туралы" № 45 қаулысына толықтырулар енгізу туралы" нормативтік құқықтық кесімдерді мемлекеттік тіркеудің тізілімінде 9-6-98 болып тіркеліп, "Аманкелді арайы" газетінің 2009 жылғы 17 шілдедегі № 30 санында жарияланған" қаулысымен толықтырулар енгізілетін болған), қаулысына келесі өзгерістер енгізілсін: жоғарыда аталған қаулының қосымшасындағы 15 тармақ алынып тасталсын.

2. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

3. Осы қаулының орындалуына бақылау жасау аудан әкімінің орынбасары С. Хайруллинге жүктелсін.