Об определении целевых групп населения на 2010 год Қолданыста

2010 жылға арналған халықтың мақсатты топтарын анықтау туралы "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31-бабына, "Халықты жұмыспен қамту туралы" Қазақстан Республикасының 2001 жылғы 23 қаңтардағы Заңының 5, 7-баптарына сәйкес Қостанай ауданының әкімдігі ҚАУЛЫ ЕТЕДІ:

1. 2010 жылға арналған халықтың мақсатты топтары болып мынадай санаттар анықталсын:

1) аз қамтылғандар;

2) жиырма бір жасқа дейінгі жастар;

3) балалар үйлерінің тәрбиеленушілері, жетім балалар және ата-ананың қамқорлығынсыз қалған, жиырма үш жасқа дейінгі балалар;

4) кәмелетке толмаған балаларды тәрбиелеп отырған жалғызілікті, көп балалы ата-аналар;

5) Қазақстан Республикасының заңнамасымен белгіленген тәртіппен асырауында тұрақты күтімді, көмекті немесе қадағалауды мұқтаж етеді деп танылған тұлғалары бар азаматтар;

6) Зейнеткерлік жас алдындағы тұлғалар (жасы бойынша зейнетке шығудан екі жыл бұрын);

7) мүгедектер;

8) Қазақстан Республикасының Қарулы Күштері қатарынан босаған тұлғалар;

9) бас бостандығынан айыру және (немесе) мәжбүрлеп емдеу орындарынан босатылған тұлғалар;

10) оралмандар;

11) жоғары және жоғары білімнен кейінгі оқу ұйымдарының түлектері;

12) жұмыс беруші - заңды тұлғаның жойылуына немесе жұмыс беруші - заңды тұлға қызметінің тоқтатылуына, жұмысшылар саны мен штатының қысқаруына байланысты, жұмыстан босатылған тұлғалар:

13) ұзақ (он екі айдан аса) жұмыс істемеген тұлғалар;

14) жұмыссыздар ретінде жұмыспен қамту мәселелері бойынша уәкілетті органда тіркелген елу жастан асқан тұлғалар;

15) алған мамандығы бойынша еңбек өтілі мен тәжірибесі жоқ, 21-ден 29 жас аралығындағы жұмыс істемейтін жастар;

16) уәкілетті органның жолдамасы бойынша кәсіби оқуды аяқтаған жұмыссыз тұлғалар;

17) техникалық және кәсіби, сондай-ақ орта білімнен кейін білім беретін ұйымдардың түлектері;

18) толық емес жұмыс күні тәртібі бойынша жұмыс істейтін тұлғалар.

2. Осы қаулы алғаш ресми жарияланған күнінен кейін он күнтізбелік күн өткен соң қолданысқа енгізіледі. КЕЛІСІЛДІ: Қостанай ауданы әкімдігінің "Жұмыспен қамту және әлеуметтік бағдарламалар бөлімі" мемлекеттік мекемесінің бастығы _______________ М. Жусупов