Об утверждении пороговых значений розничных цен на социально значимые продовольственные товары на четвертый квартал 2025 года Қолданыста

2025 жылдың төртінші тоқсанына арналған әлеуметтік маңызы бар азық-түлік тауарларына бөлшек сауда бағаларының шекті мәндерін бекіту туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27, 37-баптарына, «Сауда қызметін реттеу туралы» Қазақстан Республикасы Заңының 8-бабына, Қазақстан Республикасы Ұлттық экономика министрінің міндетін атқарушының 2015 жылғы 30 наурыздағы № 282 «Әлеуметтік маңызы бар азық-түлік тауарларына бөлшек сауда бағаларының шекті мәндерін және оларға бөлшек сауда бағаларының шекті рұқсат етілген мөлшерін белгілеу қағидаларын бекіту туралы» бұйрығымен (Нормативтік құқықтық актілерді мемлекеттік тіркеу тізілімінде № 11245 болып тіркелген) бекітілген әлеуметтік маңызы бар азық-түлік тауарларына бөлшек сауда бағаларының шекті мәндерін және оларға бөлшек сауда бағаларының шекті рұқсат етілген мөлшерін белгілеу қағидаларының 7-тармағына сәйкес Атырау облысының әкімдігі ҚАУЛЫ ЕТЕДІ:

1. Осы қаулының қосымшасына сәйкес 2025 жылдың төртінші тоқсанына арналған әлеуметтік маңызы бар азық-түлік тауарларына бөлшек сауда бағаларының шекті мәндері бекітілсін.

2. Осы қаулының орындалуын бақылау Атырау облысы әкімінің жетекшілік ететін орынбасарына жүктелсін.

3. Осы қаулы оның алғашқы ресми жарияланған күнінен бастап қолданысқа енгізіледі.

Атырау облысы әкімдігінің 2025 жылғы «07» қазандағы № 218 қаулысына қосымша 2025 жылдың төртінші тоқсанына арналған әлеуметтік маңызы бар азық-түлік тауарларына бөлшек сауда бағаларының шекті мәндері № п/п Тауар атауы Өлшем бірлігі Бағасы, теңге 1 Бірінші сортты бидай ұны 1 (бір) килограмм 361 2 Бірінші сортты ұннан жасалған бидай наны (пішінді) 1 (бір) килограмм 292 3 Рожки (өлшеніп салынатын) 1 (бір) килограмм 516 4 Қарақұмық жармасы (дән, өлшеніп салынатын) 1 (бір) килограмм 422 5 Тазартылған күріш (домалақ дәнді, өлшеніп салынатын) 1 (бір) килограмм 659 6 Картоп 1 (бір) килограмм 272 7 Асханалық сәбіз 1 (бір) килограмм 273 8 Басты пияз 1 (бір) килограмм 224 9 Ақ қауданды қырыққабат 1 (бір) килограмм 231 10 Ақ қант - құмшекер 1 (бір) килограмм 629 11 Күнбағыс майы 1 (бір) литр 1232 12 Сиыр еті (сүйекті жауырын-төс бөлігі) 1 (бір) килограмм 3598 13 Тауық еті (сан сүйек және іргелес жұмсақ еті бар сан жілік) 1 (бір) килограмм 1957 14 Сары май (тұздалмаған, майлылығы кемінде 72,5%, толықтырғыштар және өсімдік майлары жоқ) 1 (бір) килограмм 7060 15 Тауық жұмыртқасы (I санатты) ондық 740 16 Ас тұзы («Экстра» - дан басқа) 1 (бір) килограмм 154 17 Сүзбе: майлылығы 5 – 9% 1 (бір) килограмм 2559