О реализации решения Аркалыкского городского маслихата от 21 декабря 2006 года № 314 «О бюджете города Аркалыка на 2007 год» Қолданыста

Арқалық қалалық мәслихатының 2006 жылдың 21 желтоқсанындағы № 314 «Арқалық қаласының 2007 жылға арналған бюджеті туралы» шешімін жүзеге асыру туралы Қазақстан Республикасы Бюджеттік кодексінің 64-1-бабының 3) тармақшасына сәйкес Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы 1-тармағының 14) тармақшасы, Қазақстан Республикасының «Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы» Заңы, Қазақстан Республикасының «Халықты жұмыспен қамту туралы» Заңының 7-бабы, Қазақстан Республикасының «Білім туралы» Заңы, Қазақстан Республикасының «Қазақстан Республикасында мүгедектерді әлеуметтік қорғау туралы» Заңы негізінде, 2006 жылғы 21 желтоқсандағы № 314 «Арқалық қаласының 2007 жылға арналған бюджеті туралы» Арқалык қалалық мәслихатының шешімін (мемлекеттік тіркеу нөмірі 9-3-47) жүзеге асыру мақсатында Арқалық қаласының әкімдігі ҚАУЛЫ ЕТЕДІ:

1. Азаматтардың жекелеген топтарына мынандай әлеуметтік көмектің көлемдері мен мөлшерлері тағайындалсын:

1) Ұлы Отан соғысының қатысушылары мен мүгедектеріне моншаға және шаштаразға баруға бір адамға 0,25 (нөл бүтін жүзден жиырма бес) айлық есептік корсеткіштен аспайтын мөлшердегі ай сайынғы әлеуметтік көмек;

2) Ұлы Отан соғысының қатысушылары мен мүгедектерін газеттің бір басылымына бір адамды жаздыруға 1,5 (бір бүтін оннан бес) айлық есептік көрсеткіштен аспайтын мөлшердегі бір жолғы әлеуметтік көмек;

3) зейнеткерлер мен мүгедектерді «Строитель» сауыктыру орталығына сауықтыру үшін табысына қарамастан бір адамға 5 (бес) айлық есептік көрсеткіштен аспайтын мөлшердегі бір жолғы әлеуметтік көмек;

4) Қостанай қаласының емдеу мекемелерінде емделуден өткен халықтың нысаналы тобына жататын азаматтарға, Ұлы Отан соғысының қатысушылары мен мүгедектеріне 4 (төрт) айлық есептік көрсеткіш мөлшеріндегі бір жолғы әлеуметтік көмек;

5) Арқалық қаласының еңбек рыногындағы сұранысы бар мамандықтарға оқыған кезеңінде әлеуметтік көмекке мұқтаж азаматтардың оқу шығындарын көтеруге бір адамға жылына 230 (екі жүз отыз) айлық есептік көрсеткіштен аспайтын мөлшердегі әлеуметтік көмек;

6) ауылдардың аз қамтылған отбасыларына жеке қосалқы шаруашылықты дамытуға 45 (қырық бес) айлық есептік көрсеткіштен, отырғызылатын тұқымдарды сатып алуға 6 (алты) айлық есептік көрсеткіштен аспайтын мөлшеріндегі бір жолғы әлеуметтік көмек;

7) туберкулезбен ауыратын аз қамтылған азаматтарға 5 (бес) айлық есептік көрсеткіш мөлшеріндегі бір жолғы әлеуметтік көмек;

8) жұмыссыз азаматтар мен кәмелетке толмаған балаларды жерлеуге 10 (он) айлық есептік көрсеткіш мөлшеріндегі бір жолғы әлеуметтік көмек;

9) он сегіз жасқа дейінгі мүгедек балаларды компьютерлік томографпен қарауға байланысты шыққан шығынның құжаттар негізінде құнын өтеуге есептелген әлеуметтік көмек;

10) гидроцефалиямен ауыратын балаларға операция жасауға 18 (он сегіз) айлық есептік көрсеткіш мөлшеріндегі бір жолғы әлеуметтік көмек;

11) Арқалық қаласында тұратын жұмыс істемейтін құрметті азаматтарға табысына қарамастан 3 (үш) айлык есептік көрсеткіш мөлшеріндегі ай сайынғы әлеуметтік көмек.

2. 6) тармақшадағы көрсетілген әлеуметтік көмек комиссияның шешімімен тағайындалады.

3. Әлеуметтік көмекті мемлекеттік сатып алу туралы заңнама белгілеген тәртіп операциясы түрлеріне сәйкес Қазақстан Республикасының Ұлттық банкісінде лицензиясы бар ұйымдар арқылы өтініш берушінің жеке шоттарына аударылу арқылы жүзеге асады.

4. Әлеуметтік көмекті тағайындап, төлеуде уәкілетті орган «Арқалық қалалық жұмыспен қамту және әлеуметтік бағдарламалар бөлімі» мемлекеттік мекемесі болып табылсын.

5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

6. Осы қаулының орындалуын бақылау Арқалық қаласы әкімінің орынбасары Р.С. Жақыповаға жүктелсін.