О реализации решения маслихата от 21 декабря 2006 года № 63 «О бюджете Денисовского района на 2007 год» Қолданыста

Мәслихаттың 2006 жылғы 21 желтоқсандағы № 63 «2007 жылға арналған Денисов ауданының бюджеті туралы» шешімін іске асыру туралы Қазақстан Республикасының Бюджеттік Кодексінің 64-1-бабы 3) тармақшасына, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы 1-тармағы 1) тармақшасына, мәслихаттың 2006 жылғы 21 желтоқсандағы № 63 «2007 жылға арналған Денисов ауданының бюджеті туралы» (Денисов ауданының әділет басқармасында 2007 жылы 5 қаңтарда № 9-8-56 болып тіркелген, аудандық «Наше время» газетінде 2007 жылғы 2 ақпандағы 5 санында, 9 ақпандағы 6 санында басылып шыққан) шешіміне сәйкес әкімдік ҚАУЛЫ ЕТЕДІ:

1. «Жастар саясаты саласындағы өңірлік бағдарламасын іске асыру» атты бюджеттік бағдарламасын іске асыру мақсатында жергілікті бюджеттен «Білім алуына байланысты шығыстарын ішінара өтеу үшін студенттер қатарындағы жастарға әлеуметтік көмек көрсету» (одан әрі - әлеуметтік көмек) деген төлемдер белгіленсін.

2. «Денисов ауданының ішкі саясат болімі» мемлекеттік мекемесі әлеуметтік көмекті тағайындау және төлеу жөнінідегі уәкілетті орган болып белгіленсін.

3. Денисов ауданы әкімдігі жанындағы жастар істері жөніндегі кеңес Денисов ауданының ішкі саясат бөлімі» мемлекеттік мекемесіне әлеуметтік көмекті алуға үміткерлерді іріктеу жөнінде ұсыныстар әзірлесін және енгізсін.

4. Әлеуметтік көмекті қаржыландыру «Жастар саясаты саласындағы өнірлік бағдарламасын іске асыру» деген бюджеттік бағдарлама бойынша жүргізілсін.

5. Осы қаулының орындалуын бақылау Денисов ауданы әкімінің орынбасары М.Т. Мұратбековқа жүктелсін.

6. Осы қаулы бірінші рет ресми жарияланған күннен бастап он күнтізбелік күн өткеннен кейін қолданысқа енгізіледі.

7. Әкімдіктің 2006 жылғы 23 қазандағы № 333 «Мәслихаттың 2005 жылғы 15 желтоқсандағы № 80 «2006 жылға арналған Денисов ауданының бюджеті туралы» шешімін іске асыру туралы», Денисов ауданының әділет басқармасында 2006 жылғы 1 карашада № 9-8-50 болып тіркелген, аудандық «Наше время» газетінде 2006 жылғы 10 қарашадағы № 46 санында жарияланған, қаулысының күші жойылған деп танылсын.