О внесении изменения в Указ Президента Республики Казахстан от 22 января 1999 года N 29 и признании утратившим силу Указа Президента Республики Казахстан от 20 июня 2003 года N 1141 Қолданыста

Қазақстан Республикасы Президентiнiң 1999 жылғы 22 қаңтардағы N 29 Жарлығына өзгерiс енгiзу және Қазақстан Республикасы Президентiнiң 2003 жылғы 20 маусымдағы N 1141 Жарлығының күші жойылды деп тану туралы Қазақстан Республикасы Президентiнiң "Қазақстан Республикасының Табиғи монополияларды реттеу және бәсекелестiктi қорғау жөнiндегi агенттiгiн қайта ұйымдастыру туралы" 2004 жылғы 9 маусымдағы N 1382 Жарлығына сәйкес қаулы етемін:

1. Қазақстан Республикасы Президентiнiң "Қазақстан Республикасының мемлекеттік органдары жүйесiн одан әрi оңтайландыру жөнiндегi шаралар туралы" 1999 жылғы 22 қаңтардағы N 29 Жарлығына (Қазақстан Республикасының ПҮАЖ-ы, 1999 ж., N 1, 2-құжат; 2001 ж., N 4-5, 43-құжат; 2002 ж., N 26, 272-құжат; N 45, 445-құжат, 2003 ж., N 12, 132-құжат; N 16, 160-құжат; 2004 ж., N 13, 166-құжат; N 21, 267-құжат) мынадай өзгерiс енгiзiлсiн: аталған Жарлықтың 1-қосымшасында: "Қазақстан Республикасының Табиғи монополияларды peттeу және бәсекелестiкті қорғау жөнiндегі агенттiгi 573 оның iшiнде аумақтық органдар 408" деген жол алынып тасталсын.

2. Қазақстан Республикасы Президентiнiң "Қазақстан Республикасы Табиғи монополияларды реттеу және бәсекелестіктi қорғау жөнiндегi агенттігінің мәселелерi" туралы 2003 жылғы 20 маусымдағы N 1141 Жарлығының (Қазақстан Республикасының ПYАЖ-ы, 2003 ж., N 27, 250-құжат; N 41, 427-құжат; 2004 ж., N 21, 267-құжат) күшi жойылды деп танылсын.

3. Осы Жарлық қол қойылған күнiнен бастап күшiне енедi.